2026-ին կփոխհատուցվի բուսաբուծության ծախսերի մինչև 50%-ը

Կարգավորումը նպատակ ունի նվազեցնել արտադրության ծախսերը և խթանել գյուղատնտեսական մշակաբույսերի արտադրությունը։

2026 թվականի բուսաբուծության աջակցության ծրագրով նախատեսվում է փոխհատուցել գյուղատնտեսական մի շարք մշակաբույսերի մշակության ծախսերի մինչև 50%-ը։

Ծրագրի շրջանակում փոխհատուցումը կտարածվի մինչև 100 հեկտար մակերեսի վրա և կներառի հացահատիկային, հատիկաընդեղեն և բազմամյա խոտաբույսերի մշակությունը։

Փոխհատուցումը վերաբերում է հիմնական աշխատանքների՝ վար, ցանք, բերքահավաք, ինչպես նաև սերմի արժեքի ծախսերին։

Սահմանված են հետևյալ առավելագույն չափերը մեկ հեկտարի հաշվով՝

  • գարնանացան հացահատիկային մշակաբույսերի համար՝ 70,000 դրամ,
  • եգիպտացորենի համար՝ 85,000 դրամ,
  • հատիկաընդեղենի համար՝ 100,000 դրամ,
  • բազմամյա խոտաբույսերի համար՝ 110,000 դրամ։

Կարգավորումը նպատակ ունի նվազեցնել արտադրության ծախսերը և խթանել գյուղատնտեսական մշակաբույսերի արտադրությունը։