2026 թվականի առաջին արևադարձային փոթորիկը ձևավորվել է սովորականից շուտ՝ հունվարին

Նման վաղաժամ ձևավորումները կարող են վկայել մթնոլորտային և օվկիանոսային պայմանների փոփոխության մասին:

2026 թվականի առաջին արևադարձային փոթորիկը, որը ստացել է Nokaen անվանումը, ձևավորվել է Խաղաղ օվկիանոսում՝ սովորականից զգալիորեն շուտ։ Այս մասին հայտնել է Պրիմհիդրոմետը։

Ըստ հաղորդագրության՝ Nokaen-ը ձևավորվել է Ֆիլիպիններից փոքր-ինչ արևելք՝ հունվար ամսին, մինչդեռ նման երևույթները սովորաբար դիտվում են մայիսից սկսած։

Պրիմհիդրոմետի տնօրեն Բորիս Կուբայի խոսքով՝ առաջիկա 3–4 օրերին փոթորիկը կշարժվի Ֆիլիպինների ուղղությամբ, որից հետո կանխատեսվում է դրա աստիճանական թուլացումը և մարումը։

«Այն փաստը, որ տարվա առաջին արևադարձային փոթորիկը ձևավորվել է այսքան վաղ, զարմանալի և տպավորիչ է։ Սովորաբար նման գործընթացները սկսվում են շատ ավելի ուշ՝ մայիսին»,– նշել է Կուբայը։

Մասնագետների գնահատմամբ՝ նման վաղաժամ ձևավորումները կարող են վկայել մթնոլորտային և օվկիանոսային պայմանների փոփոխության մասին, սակայն կոնկրետ պատճառների վերաբերյալ լրացուցիչ վերլուծություններ դեռևս չեն հրապարակվել։