2025-ին հայկական ծագում ունեցող ապրանքների արտահանումը 2021-ի համեմատ աճել է շուրջ 72%-ով․ նախարար

Բացարձակ աճը կազմել է 1 միլիարդ 863,6 միլիոն ԱՄՆ դոլար։

Հայկական ծագում ունեցող ապրանքների արտահանման ծավալները 2025 թվականին զգալի աճ են գրանցել։ Այդ մասին սոցցանցի իր էջում հրապարակված վիճակագրության միջոցով հայտնել է ՀՀ էկոնոմիկայի նախարար Գևորգ Պապոյանը։

Նախարարի ներկայացրած տվյալների համաձայն՝ 2025 թվականին հայկական ծագում ունեցող ապրանքների արտահանումը 2021 թվականի համեմատ աճել է շուրջ 72 տոկոսով։ Բացարձակ աճը կազմել է 1 միլիարդ 863,6 միլիոն ԱՄՆ դոլար։

Միևնույն ժամանակ, 2024 թվականի համեմատ արտահանման աճը կազմել է շուրջ 10 տոկոս կամ 388,9 միլիոն ԱՄՆ դոլար։

Ներկայացված ցուցանիշները վկայում են վերջին տարիներին հայկական ծագում ունեցող ապրանքների արտահանման կայուն աճի միտման մասին։