Դուբայի տնտեսությունը մեկ րոպեում մոտ 1 մլն դոլար է կորցնում օդանավակայանի պարապուրդի պատճառով

Օդային հոսքերի դադարեցման դեպքում նվազում են օդանավակայանի վճարները, անմաքս վաճառքը և կոնցեսիոն եկամուտները։

Դուբայի տնտեսությունը մոտ 1 մլն դոլար է կորցնում յուրաքանչյուր րոպեում՝ օդանավակայանի աշխատանքի խափանումների պատճառով։ Այս մասին հայտնում է NDTV World-ը՝ վկայակոչելով պաշտոնատար անձանց։

Աղբյուրի տվյալներով՝ գլխավոր ավիացիոն հանգույցի գործունեության դադարեցումը ֆինանսական կորուստներ է առաջացնում Emirates ավիաընկերության, տարանցիկ փոխադրումների, հյուրանոցների, առևտրային կետերի և տրանսպորտային ենթակառուցվածքների համար։

Օդանավակայանի ծավալները

Դուբայի միջազգային օդանավակայանը (DXB) կապում է ավելի քան 260 քաղաք՝ 100-ից ավելի երկրներում։

2023 թվականին DXB-ն սպասարկել է 87 մլն ուղևոր։ 2025 թվականի առաջին եռամսյակում սպասարկվել է 23,4 մլն ուղևոր, օրական միջինում՝ 260-270 հազար մարդ։
2026 թվականի հունվարի 3-ին արձանագրվել է մեկօրյա ռեկորդ՝ 324 հազար ուղևոր։

Օդային հոսքերի դադարեցման դեպքում նվազում են օդանավակայանի վճարները, անմաքս վաճառքը և կոնցեսիոն եկամուտները։

Տարածաշրջանային համատեքստ

Bloomberg-ի հաղորդմամբ՝ Պարսից ծոցի երկրները, այդ թվում՝ ԱՄԷ-ն և Քաթարը, կոչ են անում ԱՄՆ-ին դադարեցնել Իրանի ուղղությամբ հարվածները և ձգտում են դիվանագիտական ճանապարհով հակամարտության կարգավորման։

Փետրվարի 28-ին ԱՄԷ-ի և Սաուդյան Արաբիայի օդային իշխանությունները փակել են իրենց երկրների օդային տարածքը քաղաքացիական թռիչքների համար։ Սահմանափակումները կապված են Մերձավոր Արևելքում ամերիկյան ռազմակայանների ուղղությամբ Իրանի հարվածների հետ։