Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ

Հայաստանի քաղաքացիություն է ստացել գրեթե 16,000 արցախցի
23,122 դիմումից 15,819-ը ստացել է քաղաքացիություն։ 3,323 ընտանիք ստացել է բնակարանային աջակցության հավաստագիր, 1,237-ը՝ արդեն իրացրել։

2026-ի պետական բյուջեի ծախսերը կհասնեն 3 տրիլիոն 627 մլրդ դրամի
Ծախսերն առաջին նախագծի համեմատ նվազել են 0.9 մլրդ դրամով՝ փոխարժեքի վերագնահատման պատճառով։

Բարձրացվել են մի շարք նախարարությունների ծախսերը
Էկոնոմիկա՝ +38.4 մլրդ, Արդարադատություն՝ +1.2 մլրդ, Շրջակա միջավայր՝ +341.6 մլն, Առողջապահություն՝ +1 մլրդ, ԱՍՀ՝ +1.2 մլրդ, ԿԳՄՍ՝ +3.8 մլրդ դրամ։

Հայաստանում գործում է Հուզական աջակցության թեժ գիծ՝ 0800 00 900
Անվճար, երկուշաբթի–ուրբաթ, 09:00–18:00։ Ծառայությունը տրամադրում է անհատական հոգեբանական աջակցություն։

2025-ի սեպտեմբերին Հայաստանում աշխատողների թիվը եղել է 806,488
221,748 պետական, 584,740 ոչ պետական աշխատող։ Տարեկան աճը՝ 3.8%։

ՄԻՋԱԶԳԱՅԻՆ

Եվրահանձնաժողովը կառաջարկի ամբողջությամբ արգելել ռուսական նավթի ներմուծումը ԵՄ (2026-ից)
ԵՄ-ն արդեն համաձայնեցրել է նաև ռուսական գազից 2027-ին ամբողջական դուրս գալու կանոնները։

ԱՄՆ-ը դադարեցնում է 19 ոչ եվրոպական երկրներից ներգաղթային դիմումները
Կասեցվում են նաև «Գրին քարտի» դիմումները։ Պատճառը՝ ազգային անվտանգության ռիսկեր։

ՌԴ–Հնդկաստան նոր հուշագիր՝ ատոմային էներգետիկայի խորացված համագործակցության մասին
Ռուսաստանը համաձայնեցրել է «Ռոսատոմ»-ի առաջարկը՝ բարձր տեխնոլոգիաների և խաղաղ ատոմի ոլորտում սերտ համագործակցության համար։

Բելգիան մերժել է ԵՄ առաջարկը՝ օգտագործել ռուսական սառեցված ակտիվները
Նախարարը հայտարարում է, որ «ռեպարացիոն վարկի գաղափարը վտանգավոր է և ունի աննախադեպ ռիսկեր»։