Դեկտեմբերի 1-ի կարևոր լուրերը

Ինչ է կատարվել Հայաստանում և աշխարհում։

Արթիկի և Անիի տարածաշրջանում՝ ձնախառն անձրև, մառախուղ և մերկասառույց
Ժամը 9-ի դրությամբ Արթիկի հատվածում տեղում է ձնախառն անձրև, Անիում՝ մառախուղ։ Սպիտակի ոլորաններում և Արագածի ճանապարհներին առկա է մերկասառույց։ Բոլոր ճանապարհները բաց են, կատարվում են մաքրման աշխատանքներ։

Քարվաճառում բռնկված հրդեհը տարածվում է դեպի Քաշաթաղ
Օկուպացված Քարվաճառի լեռնային տարածքում հրդեհը արագ տարածվում է ուժեղ քամիների պատճառով։ Դժվարանցանելի տեղանքը բարդացնում է մարումը, բայց աշխատանքները շարունակվում են։

Ոստիկանությունում բարեվարքության խախտումների վերաբերյալ նոր որոշումներ
ՆԳՆ-ն հրապարակել է կարգապահական հանձնաժողովի քննարկումների արդյունքները․ ութ ծառայողի գործեր ուսումնասիրվել են, չորսի նկատմամբ առաջարկվել է կիրառել «Ոստիկանությունից ազատում», երկուսի՝ «Խիստ նկատողություն», իսկ երկու գործ հետաձգվել է։

«Զվարթնոց» օդանավակայանում ավարտվել է կարևոր ենթակառուցվածքի վերանորոգումը
Վերանորոգվել է Կառամատույց 1-ից «Ալֆա» ղեկուղին․ դա կբարձրացնի օդանավերի տեղաշարժի արդյունավետությունը, կնվազեցնի գերբեռնվածությունը և կաշխատի որպես հավելյալ տարհանման ուղի։

Արշակ Սրբազանը հանդես է եկել բացատրություններով
Սրբազանը մամուլի ասուլիսում կրկին ներկայացրել է իր դիրքորոշումը՝ ընդգծելով, որ տարածված տեսանյութերը իրեն չեն վերաբերում։ ՔԿ-ն հաստատել է տեսանյութերի իսկությունը։ Եպիսկոպոսների դիմումով պահանջվում է արտաքսել Սրբազանին Մայր Աթոռից։

Ցորենի ցանքատարածությունները նվազել են՝ հասնելով վերջին 4 տարվա նվազագույնին
2024-ին ցանքատարածությունները 71.4 հազար հա-ից նվազել են մինչև 56.5 հազար հա։ Նվազել է նաև համախառն բերքը՝ 177.9 տ-ից մինչև 120.3 տոննա։ Գյուղատնտեսության նախկին փոխնախարարի կարծիքով՝ պատճառը պետական քաղաքականությունն է։