«Ամերիկան արդեն հոգնել է հաղթելուց»․ Թրամփ

ԱՄՆ նախագահ Դոնալդ Թրամփը հայտարարել է, որ իր պաշտոնավարման ընթացքում Ամերիկան «նորից հաղթում է»։

«Մեր երկիրը նորից հաղթում է։ Եվ հիմա մենք նույնիսկ չգիտենք, թե ինչ անել դրա հետ։ Մարդիկ ինձ հարցեր են տալիս և ասում.

«Խնդրում ենք, պարոն նախագահ, մենք այնքան հաճախ ենք հաղթում, որ չգիտենք՝ ինչ անել դրա հետ։ Որովհետև, երբ դուք չկայիք, մենք անընդհատ տանուլ էինք տալիս, իսկ հիմա մենք հաղթում ենք»»,- ասել է Թրամփը։

Նրա խոսքով՝ ինքը քաղաքացիներին կոչ է անում շարունակել «ավելի շատ հաղթել, քան նախկինում»։

Թրամփը նախկինում ևս բազմիցս օգտագործել է «հաղթելու» թեմատիկան իր հրապարակային ելույթներում՝ այն ներկայացնելով որպես իր քաղաքականության հաջողության խորհրդանիշ։