Հայկական կոնյակի արտադրությունը շարունակում է նվազել

2026 թվականի հունվար-փետրվար ամիսներին Հայաստանում կոնյակի արտադրությունը կազմել է 2,365.6 հազար լիտր (100% սպիրտի հաշվարկով)։

Վիճակագրական կոմիտեի տվյալներով՝ սա 17.3%-ով պակաս է 2025 թվականի նույն ժամանակահատվածի ցուցանիշից։

Արտադրության անկման միտումը շարունակվում է նաև տարեկան կտրվածքով։

2025 թվականին արտադրվել է 14.4 մլն լիտր կոնյակ՝ 27.4% անկմամբ նախորդ տարվա համեմատ։

2024 թվականին ցուցանիշը կազմել էր մոտ 19.8 մլն լիտր, իսկ 2023-ին՝ 19.3 մլն լիտր։

Եթե ավելի երկարաժամկետ դիտարկենք, ապա ոլորտը զգալի անկում է ապրել․ օրինակ՝ 2021 թվականին արտադրությունը գերազանցում էր 46 մլն լիտրը։

Միևնույն ժամանակ, ավելի վաղ տարիներին՝ հատկապես 2009-2013 թվականներին, ոլորտում արձանագրվել էր կայուն աճ։

Այսպիսով, վերջին տարիներին կոնյակի արտադրությունը Հայաստանում գտնվում է նվազման փուլում։