Հայաստանի ֆոնդային բորսան ամփոփել է 2024 թ.-ի հուլիս ամսվա տվյալները

Պետական պարտատոմսերի բորսայական շուկա

Հայաստանի ֆոնդային բորսայում  հուլիսին տեղի ունեցած պետական պարտատոմսերի տեղաբաշխման աճուրդների ընդհանուր ծավալը կազմել է մոտ 58․5 մլրդ ՀՀ դրամ: Պետական պարտատոմսերի երկրորդային շուկայի բորսայական առևտրի ընդհանուր ծավալը հուլիսին կազմել է ավելի քան 8․5 մլրդ ՀՀ դրամ։ Առևտրի առկա պետական գանձապետական պարտատոմսերով կնքվել է 58 գործարք:

Կորպորատիվ պարտատոմսերի բորսայական շուկա

Նախորդ տարիների նույն ժամանակահատվածի համեմատ կորպորատիվ պարտատոմսերի թե՛ շուկայի, թե՛ առևտրի ծավալները պահել են աճի դինամիկան։ Կորպորատիվ պարտատոմսերի հուլիս ամսվա շուկայի ծավալը նախորդ տարվա նույն ժամանակահատվածի համեմատ աճել է 28․89%-ով և կազմել է ավելի քան 542 մլրդ դրամ։ Կորպորատիվ պարտատոմսերով իրականացված առևտրի ծավալը կազմել է ավելի քան 4.75 մլրդ դրամ, որը աճել է նախորդ տարվա նույն ժամանակաշրջանի համեմատ 70%-ով։ Հաշվետու ժամանակահատվածում կորպորատիվ պարտատոմսերով կնքվել է 434 գործարք։ Բորսայում շրջանառվող կորպորատիվ պարտատոմսերի քանակը կազմել է 116։

Զաբյուղային ՌԵՊՈ և ՌԵՊՈ գործարքներ

Ռեպո գործարքների ընդհանուր ծավալը կազմել է մոտ 5․7 մլրդ դրամ, որը գերազանցում է նախորդ տարվա նույն ժամանակահատվածի ցուցանիշը 123%-ով: Հուլիսին կնքվել է 42 ռեպո գործարք։ Ակտիվություն է գրանցվել նաև զամբյուղային ռեպո հարթակում։ Նախորդ ամսվա համեմատ զամբյուղային ռեպո գործարքների առևտրի ծավալը աճել է 314%-ով և կազմել է մոտ 16․5 մլրդ դրամ։ Զամբյուղային ռեպո հարթակում կնքվել է 10 գործարք։

Բաժնետոմսերի բորսայական շուկա

Բաժնետոմսերի առևտրի ծավալը աճել է նախորդ տարվա նույն ժամանակահատվածի ցուցանիշի համեմատ 13%-ով և կազմել է ավելի քան 98․5 մլն դրամ, իսկ շուկայի կապիտալիզացիան՝ ավելի քան 319 մլրդ դրամ։ Բաժնետոմսերով կնքվել է 156 գործարք։

Արտարժույթի շուկա

Հուլիսին արտարժույթի հարթակում կնքվել է արտարժույթի 9 գործարք ավելի քան 1․4 մլրդ դրամ ծավալով։ amx.am