5 կարեվոր որոշում՝ նոյեմբերի 14-ի Կառավարության նիստից

Այսօրվա՝ նոյեմբերի 14-ի կառավարության նիստին ընդունվել են մի քանի որոշումներ, որոնք վերաբերում են պետական ֆինանսների կառավարմանը, միջազգային տնտեսական համագործակցությանը, բնապահպանությանը, միգրացիոն քաղաքականությանը և արդյունաբերական ոլորտի վերահսկողությանը։ Ստորև՝ նիստի 5 առանցքային լուրերը։

Հայաստանը ստանում է 2 մլն դոլար դրամաշնորհ՝ հաշվետվությունների որակի բարելավման համար

Կայունացման և զարգացման եվրասիական հիմնադրամը Հայաստանին կհատկացնի 2 մլն դոլար, որը կուղղվի հանրային հատվածում նոր հաշվապահական համակարգի ներդրմանը և ֆինանսական հաշվետվությունների վստահելիության բարձրացմանը։

Կառավարությունը վավերացրեց ԵԱՏՄ–ԱՄԷ տնտեսական գործընկերության համաձայնագիրը

Հաստատվել է ԵԱՏՄ–ԱՄԷ համաձայնագիրը, որը տալիս է արտահանման արտոնյալ ռեժիմ․

  • ԵԱՏՄ երկրների համար՝ ապրանքների 86%

  • Հայաստանի համար՝ 95% արտահանումն ԱՄԷ դեպի
    Այս համաձայնագիրը կնպաստի սակագնային խոչընդոտների նվազեցմանը, առևտրի ազատականացմանը և ՓՄՁ համագործակցության ընդլայնմանը։

2027-ից արգելվում է մեկանգամյա պոլիէթիլենային տոպրակների վաճառքը

Շրջակա միջավայրի նախարարությունը ներկայացրել է խիստ սահմանափակումներ․

  • 2027թ. հունվարի 1-ից արգելվում է պոլիէթիլենային տոպրակների վաճառքն ու օգտագործումը (նույնիսկ 50+ միկրոն հաստությամբ)։

  • Արգելվում է նաև միանգամյա պլաստիկ սպասքը և տարաները։

  • Խախտումների համար տուգանքները խստացվում են՝ մինչև 150 000 դրամ։

Հայաստանը և Վրաստանը փոխադարձ արտահանձնման նոր կանոններ են հաստատում

Վավերացվում է համաձայնագիր, որը թույլ է տալիս երկու երկրներին փոխադարձաբար արտահանձնել անօրինական ներգաղթյալներին, ինչպես նաև երրորդ երկրների քաղաքացիներին, եթե նրանք հանցագործություն են կատարել։

Արտադրական կեղտաջրերը 2026-ից չեն կարող արտանետվել առանց նախնական մաքրման

Կառավարությունը հաստատեց նոր պահանջներ․

  • 2026թ. հուլիսի 1-ից արտադրական կեղտաջուր արտանետողները պարտադիր պետք է իրականացնեն նախնական մաքրում։

  • Մաքրումը պետք է արվի սեփական միջոցներով հատուկ կառուցվածքներում։

  • Վարչապետը զգուշացրեց, որ մաքրման բացակայությունը հանգեցնում է բնապահպանական աղետների, և առաջիկայում ոլորտի ամբողջական կարգավորում է սպասվում։