Ամբողջական բժշկական ապահովագրություն՝ Հայաստանի նոր ծրագիրը Հայաստանի ու Վերակառուցման եւ զարգացման միջազգային բանկի միջեւ նախատեսվում է ստորագրել «Համընդհանուր առողջապահական ծածկույթի ծրագրի իրականացում» վարկային համաձայնագիր, որով ՀՀ-ին կտրամադրվի €102 միլիոն վարկ: Կառավարությունն այսօրվա նիստում հավանություն է տվել համաձայնագրին: Ծրագրի նպատակն է բարելավել առաջնային բժշկական օգնության որակը եւ իրագործումը, բարձրացնել երկրի առողջապահական ծախսերի արդյունավետությունը եւ նվազեցնել առողջապահական ծառայություններից օգտվելու ֆինանսական խոչընդոտները: