Վառելիքի ճգնաժամ. Արցախում առաջացել է բենզինի, դիզվառելիքի, հեղուկ և սեղմված գազի պակաս Արցախում բենզինի, դիզվառելիքի, հեղուկ և սեղմված գազի պակաս կա: Վառելիքի ճգնաժամ չառաջանալու համար Արցախի կառավարությունը տնտեսվարողների հետ պայմանավորվել է անցնել խնայողական ռեժիմի: Լցակայաններում վառելիք առաջնահերթ կտրամադրվի շտապօգնության ծառայությանը, հասարակական տրանսպորտին և հատուկ ծառայություններին: Քաղաքացիներին հորդորում են խնայողաբար գործածել վառելիքը, իսկ տրանսպորտային միջոցներն գործածել խիստ անհրաժեշտության դեպքում: Հիշեցնենք՝ երեկվանից Ադրբեջանը դադարեցրել է Արցախի գազամատակարարումը: