Շուկայում առկա է մեծ քանակության դոլարի լրացուցիչ զանգված Հայաստանում դոլարի փոխարժեքը նվազում է, իսկ դրան զուգահեռ, հատկապես պարենային ապրանքներն, էլ ավելի են թանկանում։ Մինչդեռ էժան դոլարը պետք է նպաստեր ներկրվող ապրանքների գների նվազմանը։ Տնտեսագետ Արմեն Քթոյանի խոսքով  Հայաստանը որդեգրել է լողացող փոխարժեքի քաղաքականություն, ինչը նշանակում է՝ Կենտրոնական բանկը միջամտում է փոխարժեքին միայն կրիտիկական իրավիճակներում, երբ շուկայի կայունությունը վտանգի տակ է։ Իսկ փոխարժեքի սահուն ավելացումը կամ նվազումն, ըստ նրա, չի դիտարկվում կրիտիկական կամ խուճապային տրամադրություններ առաջացնող։ Արմեն Քթոյանը նշում է, որ աշխարհում գնաճի առնչությամբ ստեղծվել է ֆորսմաժորային վիճակ։Մասնավորապես, պարենային ապրանքների համաշխարհային գները տարեկան կտրվածքով աճել են ավելի քան 20%-ով, ցորենի գինը՝ 37-38%-ով։Տնտեսագետը վաղ է համարում կանխատեսել, թե մինչև երբ և որքան կարող է արժեզրկվել դոլարը։Այսպիսով, տնտեսագետը նշում է, որ տրանսֆերտների աճը նպաստել են դոլարի քանակի ավելացմանն ու էժանացմանը։Հայաստանում առկա է մեծ քանակության դոլարի լրացուցիչ զանգված, իսկ դա նշանակում է, որ առաջարկն ավելի շատ է, քան պահանջարկը: