Ինչու՞ է iPhone 14-ն ավելի վատ վաճառվում, քան iPhone 13-ը
iPhone 14-ն ավելի վատ է վաճառվում, քան iPhone 13-ը, եւ առցանց առեւտրի մոնիտորինգի Sandalwood պլատֆորմի տվյալները հաստատում են դա: Tmall հարթակում իրականացված վաճառքների համեմատությունը ցույց է տվել, որ iPhone 14-ի վաճառքը նվազել է 70 տոկոսով՝ անցած տարի iPhone 13-ի վաճառքի համեմատ: Ընդ որում, նոր iPhone 14 Pro-ի եւ iPhone 14 Pro Max-ի պահանջարկն ավելացել է 56 տոկոսով: Բազային iPhone 14-ի հանդեպ հետաքրքրության բացակայությունը միանգամայն հասկանալի է, նոր սմարթֆոնն իրականում քիչ բանով է տարբերվում անցած տարվա մոդելից, ինչը պարզ դարձավ սեպտեմբերյան միջոցառման ժամանակ: Ինչ-որ փոփոխություններ, իհարկե, կան. էկրանն ավելի մեծ է, պրոցեսորը մի փոքր արագագործ է դարձել եւ փոքր-ինչ բարելավվել են տեսախցիկները: Բայց մնացածը նույն սմարթֆոնն է, դրա համար էլ շատ օգտատերեր հինը նորով փոխելու իմաստը պարզապես չեն տեսնում: Շատերին հիասթափեցրել է նաեւ iPhone 14-ի նոր շարքում ՙմինի՚ մոդելի բացակայությունը? չնայած անցած տարվա շարքում այդպիսի սմարթֆոն կար:
Apple-ը iPhone 14-ի արտադրությունը մասնակիորեն տեղափոխել է Չինաստանից Հնդկաստան
Apple-ը iPhone 14-ի արտադրությունը մասնակիորեն տեղափոխել է Չինաստանից Հնդկաստան: Թեեւ Apple-ի ծրագիրը՝ iPhone-ը հավաքել Հնդկաստանում, նախկինում հայտնի էր, սակայն սպասվում էր, որ դա տեղի կունենա նոր շարքի սարքերի վաճառքի մեկնարկից ոչ շուտ, քան երկու ամիս անց: Թե կոնկրետ ինչ է կապված Apple-ի շտապողականության հետ, չի հաղորդվում:
Հայտնի է, որ այս պահին նոր սմարթֆոնների ամերիկյան տեխնոլոգիական հսկան Հնդկաստանում կարտադրի միայն iPhone 14-ը, իսկ Pro և Pro Max տարբերակների հավաքումը կշարունակվի Չինաստանում:
Apple Watch Ultra-ն դիմացել է մուրճի հարվածներին, թեև դրա տակի սեղանը ճաքել է
Apple-ը Watch Ultra-ն ամենակայուն եւ հուսալի խելացի ժամացույցն է համարվում. տիտանի պատյանն ու շափյուղայից էկրանը, ըստ արտադրողի, կարող են լուրջ փորձությունների դիմանալ; YouTube-ի TechRax ալիքի հեղինակը որոշել է ստուգել՚ արդյոք դա ճիշտ է;
Դիմացկունության ստուգման ժամանակ նա ժամացույցը գցել է հատակին, դրել մեխերով տարայի մեջ, նաեւ մի քանի անգամ մուրճով հարվածել է: Ժամացույցն իսկապես արժանապատվորեն դիմակայել է այդ բոլոր փորձություններին: Նախ բլոգերը մոտ 1.2 մետր բարձրությունից ժամացույցը գցել է հատակին, այն գրեթե չի վնասվել, սակայն տիտանե պատյանի վրա մի քանի քերծվածք է հայտնվել: Ժամացույցը դիմացել է նաեւ մուրճի բազմակի հարվածներին: Ավելի ուշ բլոգերին, այնուամենայնիվ, հաջողվել է, ոչ առանց դժվարության, կոտրել նաեւ ապակին:
TikTok-ը ցանկանում է գործարքի գնալ ԱՄՆ հետ
Ամերիկյան օրենսդիրը և TikTok-ը մշակում են պլան, որի համապատասխան՝ հավելվածը փոփոխություններ կմտցնի տվյալների անվտանգության եւ կառավարման հարցում, ինչի շնորհիվ մայր ընկերությունից, չինական ByteDance-ից, չի պահանջվի վաճառել այն:
TikTok-ը եւ Բայդենի վարչակազմը կնքել են նախնական համաձայնություն? ազգային անվտանգության խնդիրները լուծելու համար, բայց դեռեւս պետք է որոշում կայացնեն պոտենցիալ համաձայնագրի առնչությամբ: ամերիկյան օրենսդիրը վաղուց մանրակրկիտ ուսումնասիրության է ենթարկում TikTok-ը։ Ամերիկացիները կասկածում են, որ չինական հավելվածում օգտատերերի տվյալները պաշտպանված չեն:
Հաքերները սկսել են ստեղծել WhatsApp-ի կլոններ
Հարձակվողներն առաջարկում են ներբեռնել ՙկատարելագործված՚ WhatsApp-ը` նոր հնարավորություններով: Այդ հավելվածներում նորամուծություններ չկան, բայց կա վիրուս, որը հետևում է ձեզ: Հանրահայտ WhatsApp մեսենջերի վիրուսային կլոնները սկսեցին հայտնվել Android սմարթֆոնների համար նախատեսված հավելվածների խանութներում: Մշակողները զգուշացնում են, որ այս կլոններն առաջարկում են ենթադրաբար բացառիկ գործառույթներ, որոնք չեն գտնվել սկզբնական WhatsApp-ում: Իրականում այս ծրագրերը մեծ վտանգ են ներկայացնում օգտատերերի համար:WhatsApp-ի կլոնները կարող են կարդալ և ուղարկել ձեր նամակագրությունը երրորդ կողմին, գողանալ ձեր հեռախոսահամարները և կոնտակտային համարները, ձեր լուսանկարներն ու ֆայլերը, իմանալ ձեր գտնվելու վայրը:Այս ամբողջ տեղեկությունը խարդախներին թույլ կտա հավաքել ապացույցներ կամ գողանալ ձեր փողը քարտից: WhatsApp-ի ներկայացուցիչները հայտարարել են, որ կարգելափակեն օգտատերերին, որոնք ներբեռնել են նման հավելված:
Ford-ը ստիպված հետաձգել է որոշ մատակարարումներ
Ford-ը ստիպված է եղել հետաձգել որոշ մոդելների մատակարարումներ` մեքենաների դիմային հատվածում տեղադրվող եւ սրահում առկա տարբերանշանի պակասի պատճառով: Ford-ի մատակարարման շղթայի վերջին խնդիրները հիմնականում կապված են ոչ կիսահաղորդչային բաղադրիչների հետ, ինչը նշանակում է, որ չիպերն այլեւս հիմնական խնդիրը չեն: Ford-ի ղեկավարներին առաջարկվել է տարբերանշանները փոխել 3D տպագրությամբ արված տարբերակներով, սակայն որակի ստանդարտների վերաբերյալ մտահոգությունները, ըստ տեղեկությունների, շեղել են առաջարկը:Թեեւ մատակարարման շղթայի խնդիրներից շատերը կապված են տնից հեռու լոգիստիկ ծանրաբեռնվածության հետ, տեղական մատակարարները կարող են գոնե մասամբ մեղավոր լինել Ford-ի գլխացավերի համար:
Mazda-ն դիտարկում է Ռուսաստանում արտադրությունը դադարեցնելու հնարավորությունը
Mazda-ն դիտարկում է Ռուսաստանում արտադրությունը դադարեցնելու հնարավորությունը, քանի որ ուկրաինական պատերազմի պատճառով մատակարարման շղթայի խափանումները դժվարացնում են աշխատանքի վերականգնումը: Mazda-ն ավտոմեքենաներ է արտադրում Վլադիվոստոկում տեղական Sollers ավտոարտադրողի հետ համատեղ ձեռնարկությունում: 2021-ին արտադրության մեջ Sollers-ի մասնաբաժնի հետ գործարանում արտադրությունը հասել էր մոտ 29.000 միավորի: Արտադրությունն արդեն դադարեցվել էր, եւ Mazda-ն այժմ մտածում է ամբողջությամբ դուրս գալու մասին: Վաճառքը կամ սպասարկումը դադարեցնելու որոշում չի կայացվել:
Էլելտրամոբիլների համաշխարհային վաճառքն այս տարի կարող է լինել ռեկորդային
Էլեկտրամոբիլների վաճառքն այս տարի կարող է հասնել ռեկորդային առավելագույնի, կանխատեսում է Միջազգային էներգետիկ գործակալությունը:Միաժամանակ, գործակալությունը նշում է այլ ոլորտներում ավելի ակտիվ միջոցներ ձեռնարկելու անհրաժեշտության մասին, մինչեւ 2050 թվականն արտանետումների զրոյական մակարդակի նպատակներին հասնելու համար: Գործակալությունն ընդգծել է «մի քանի ոլորտում առաջընթացի ոգեշնչող նշանների մասին միաժամանակ զգուշացնելով, որ «ավելի ակտիվ ջանքերե են պահանջվում: 2021 թվականին էլեկտրամոբիլների համաշխարհային վաճառքը կրկնապատկվել էր՝ կազմելով ավտոմոբիլային շուկայի մոտ 9%-ը: 2022 թվականին վաճառքն, ինչպես սպասվում է, կհասնի նոր առավելագույնի` կազմելով մարդատար ավտոմեքենաների ընդհանուր վաճառքի 13%-ը:
Ford-ը 700 միլիոն դոլար է ներդնում բեռնատարների արտադրության գործարանում
Ford ընկերությունը 700 միլիոն դոլար է ներդնում բեռնատարների արտադրության գործարանում Կենտուկիում` ստեղծելով մոտ 500 նոր աշխատատեղ առաջիկա չորս տարվա ընթացքում: Ընկերությունը պարտավորվել է մինչեւ 2026 թվականը գործարանում ստեղծել մոտ 500 աշխատատեղ: Միջոցների մեծ մասը կուղղվի տրանսպորտային միջոցների, հիմնականում Super Duty պիկապի նոր տարբերակների արտադրությանն աջակցելուն:
