Ignite 2024 միջոցառման ընթացքում Microsoft-ը ներկայացրեց Windows 365 Link-ը, հայտնում է techcrunch.com-ը։ Սա ամպային հոսթինգով փոքր սեղանի սարք է, որը չունի սեփական օպերացիոն համակարգ:
Սարքն աշխատում է ստանդարտ Windows-ի միջավայրում, սակայն ամբողջությամբ հիմնված է հեռավոր սերվերի վրա: Microsoft-ը նշում է, որ Windows 365 Link-ը տարբերվում է դասական համակարգիչներից, քանի որ չի կարող տեղական ծրագրեր տեղադրել կամ գործարկել:
Հիմնական կիրառությունը ամպային հավելվածների գործարկումն է, ինչպիսիք են Microsoft Office-ը, Teams-ը և Webex-ը:
Windows 365 Link-ը առանձնանում է իր արագությամբ և հարմարավետությամբ: Այն բեռնվում է վայրկյանների ընթացքում, աջակցում է մինչև երկու 4K մոնիտորների միացմանը և հագեցած է ժամանակակից կապի տեխնոլոգիաներով՝ Wi-Fi 6E և Bluetooth 5.3: Սարքն ապահովում է բարձր անվտանգություն. առանց գաղտնաբառի մուտքը և անվտանգության գործառույթների անջատումը հնարավոր չեն:
Microsoft-ը շեշտում է, որ այս սարքը հատկապես հարմար է պետական և կոմերցիոն կազմակերպությունների համար, քանի որ ապահովում է արագ կարգավորում, հեռակառավարման հարմարավետություն և թարմացումների ավտոմատ ներբեռնում ու տեղադրում: Բացի այդ, այն էկոլոգիապես մաքուր է. սարքի վերին ծածկը պատրաստված է 90%-ով վերամշակված ալյումինից, իսկ էներգիայի սպառումը զգալիորեն ցածր է սովորական սեղանի համակարգիչների համեմատ:
Windows 365 Link-ը հասանելի կլինի 2024 թվականի ապրիլին՝ որոշակի շուկաներում՝ $349 արժեքով: Microsoft-ի խոսքով, այս սարքը կարող է դառնալ ապագա տեխնոլոգիաների նոր ստանդարտ, համատեղելով ամպային համակարգերի հզորությունը և աշխատանքի արագությունը՝ օգտագործողների համար:
Աղբյուր՝ How2B
JavaScript seems to be disabled in your browser. You must have JavaScript enabled in your browser to utilize the functionality of this website.
