Բրիտանական «Գազպրոմ Էներջի»-ն կարող է վերանվանել ընկերությունը ՝ «Գազպրոմ»-ի հետ կապից խուսափելու համար,- հայտնում է FT-ն: Այս դուստր ձեռնարկությունը մատակարարում է բրիտանական ընկերությունների կողմից օգտագործվող գազի մեկ հինգերորդ մասը։
Բրիտանական գազի մանրածախ առևտով զբաղվող «Գազպրոմ Էներջի»-ն դիտարկում է ռեբրենդավորման տարբերակը ՝ Ուկրաինայում զարգացումների ֆոնին ռուս սեփականատերերից հեռու մնալու համար,- գրում է Financial Times-ը: Հրատարակության համաձայն ՝ նոր անվանման տարբերակներից մեկը GM&T-ն է (Gazprom Marketing & Trading Retail Limited, այսինքն ՝ մայր ընկերության ՝ Գազպրոմի բրիտանական ստորաբաժանման անվանումը)։
«Ղեկավարությունը շատ դրական է տրամադրված, սակայն, հաշվի առնելով, որ խոսքը արմատական ռեբրենդինգի մասին չէ, պարզ չէ, թե արդյոք դա մեծ փոփոխություն կբերի», -նշել է աղբյուրը:
«Գազպրոմ Էներջի»-ն բրիտանական էներգահամակարգի առանցքային մասնակիցներից է, ընկերությունը մատակարարում է երկրի գազի մեկ հինգերորդը: Մարտին «Գազպրոմ Էներջի»-ն փլուզման եզրին էր, քանի որ շատ ընկերություններ հրաժարվեցին նրա հետ նոր պայմանագրեր կնքել,- գրում է FT-ն։ Միևնույն ժամանակ, Bloomberg-ի աղբյուրները հայտնել են, որ Մեծ Բրիտանիայի կառավարությունը պատրաստվում է ժամանակավորապես ազգայնացնել Գազպրոմի տեղական «դուստրը» գազի մատակարարումների կայունությանը սպառնացող վտանգի դեպքում։
Սակայն մինչ այժմ բրիտանական իշխանությունները նման քայլի չեն դիմել։ Այս սցենարում կառավարությունը պետք է ստանձնի ընկերության պարտավորությունների վճարումը, որը պետությանը կարժենա 4 միլիարդ ֆունտ (մոտ 5 միլիարդ դոլար ներկայիս փոխարժեքով), նշում է հրատարակությունը։
Մեկնաբանություն