Համաշխարհային ինդեքսներ
Ամերիկյան ցուցիչները երեքշաբթի օրը փակվել են կարմիր գոտում. Dow Jones Industrial Average-ը նվազել է 1.51%-ով՝ հասնելով 40,936.93 կետի: S&P 500-ի արժեքը կրճատվել է 2.25%-ով՝ հասնելով 5,521.26 կետի: S&P 500-ի ֆյուչերսը չորեքշաբթի օրը նվազել է 0.55%-ով: Ճապոնական Nikkei 225-ը կրճատվել է 1.6%-ով՝ հասնելով 37,034 կետի, կորեական KOSPI-ն նվազել է 3.10%-ով՝ հասնելով 2,583.60 կետի, իսկ չինական Shanghai Composite-ը կորցրել է 0.47%-ով՝ հասնելով 2,789.55 կետի:
Մակրոէկոնոմիկա
1. Բրազիլիայի ՀՆԱ-ն երկրորդ եռամսյակի տվյալներով աճել է 3.3%-ով՝ տարեկան հաշվարկով, ինչը գերազանցել է կանխատեսումները։ Եռամսյակային հաշվարկով աճը կազմել է 1.4%։
2. ԱՄՆ-ի արտադրության ոլորտի բիզնես ակտիվության վերջնական ցուցանիշը (PMI) օգոստոսին կազմել է 47.9 կետ, նախնական ցուցանիշը եղել է 48 կետ։
Ապրանքային շուկաներ
Ոսկու գինը նվազել է և ներկայումս կազմում է $2,492.8 մեկ ունցիայի համար։ Նավթի գնանշումները երեքշաբթի օրը նվազել են։ Brent նավթը գտնվում է $73.4 մեկ բարելի համար, իսկ WTI-ն՝ մոտ $69.9:
Կորպորատիվ իրադարձություններ/ միջոցառումներ
1. ԱՄՆ-ի փոխնախագահ և Դեմոկրատական կուսակցության նախագահի թեկնածու Կամալա Հարիսը դեմ է արտահայտվել US Steel Corp.-ի վաճառքին ճապոնական Nippon Steel ընկերությանը: Նախկինում Nippon Steel-ը մտադիր էր ձեռք բերել US Steel-ը $14.1 միլիարդով: Գործարքի մասին հայտարարվել էր 2023 թվականի դեկտեմբերին, իսկ 2024 թվականի մարտի կեսերին նախագահ Բայդենն արտահայտվել էր դրա դեմ։
2. ՄՏՍ ընկերությունը երկարաձգել է մինչև սեպտեմբերի 20-ը առաջարկը ոչ ռեզիդենտներից բաժնետոմսերի հետգնման համար: Սկզբնապես վերջնաժամկետը եղել է սեպտեմբերի 6-ը: Տենդերային առաջարկը հայտարարվել էր օգոստոսի 7-ին, նպատակ ունենալով հետ գնել մինչև 7,705,102 բաժնետոմս կամ մինչև 2.89% բոլոր շրջանառվող բաժնետոմսերից: Գնորդը հանդիսանում է «Սթրիմ Դիջիթալ» ՍՊԸ՝ ՄՏՍ-ի 100%-ով դուստր ընկերությունը: Գնման գինը կազմում է 95 ռուբլի մեկ բաժնետոմսի համար:
