Համաշխարհային ինդեքսներ
Ամերիկյան ինդեքսները հինգշաբթի փակվեցին նվազումով: Dow Jones Industrial Average-ը նվազեց 1.29%-ով՝ հասնելով 40665.02 կետին: S&P 500-ի արժեքը նվազեց 0.62%-ով՝ հասնելով 5553.42 կետին: S&P 500-ի ֆյուչերսը ուրբաթ աճում է 0.21%-ով:
Ճապոնական Nikkei 225-ը մնում է գրեթե անփոփոխ՝ հասնելով 40063 կետին:
Կորեական KOSPI-ն նվազում է 1.14%-ով՝ հասնելով 2792.21 կետին, իսկ չինական Shanghai Composite-ը ավելանում է 0.19%-ով՝ հասնելով 2983.10 կետին:
Մակրոէկոնոմիկա
ԱՄՆ-ում շինարարական թույլտվությունների թիվը, նախնական տվյալներով, հունիսին կազմել է 1.45 միլիոն (+3.4% ամսական): Նոր շինարարությունների թիվը աճել է 6% ամսական՝ դառնալով 1.35 միլիոն:
Մեծ Բրիտանիայում գործազրկության մակարդակը մայիսի արդյունքներով մնացել է 4.4%:
Եվրոպական Կենտրոնական Բանկը (ԵԿԲ), ինչպես սպասվում էր, չի փոփոխել հիմնական տոկոսադրույքները: Հիմնական վարկավորման տոկոսադրույքը կազմում է 4.25% տարեկան, դեպոզիտային տոկոսադրույքը՝ 3.75% տարեկան, մարժինալ վարկերի տոկոսադրույքը՝ 4.5% տարեկան:
Ապրանքային շուկաներ
Այսօր ոսկու գինը նվազում է աճից հետո՝ առևտուր լինելով մոտ $2415.5 մեկ ունցիայի համար: Նավթի գնանշումները հինգշաբթի նվազել են: Brent նավթի գինը կազմում է $84.7 մեկ բարելի համար, իսկ WTI-ն՝ մոտ $82.3 մեկ բարելի համար:
Կորպորատիվ իրադարձություններ/ միջոցառումներ
1. Nebius (Yandex N.V.) ընկերության տնօրենների խորհուրդը օգոստոսի 15-ին կանցկացնի Հասարակական Ընդհանուր Ժողով, որտեղ կարող է հաստատվել ընկերության նոր անվանումը, տնօրենների խորհրդի կազմը և բաժնետոմսերի գնելու թույլտվությունը: Գնման ծրագրի շրջանակում գնել հնարավոր կլինի մինչև 81,648,455 Ա կարգի բաժնետոմս (մինչև 50% շրջանառվող բաժնետոմսերից)՝ առավելագույն $10.5 գնով մեկ բաժնետոմսի համար: Գնման գումարը՝ մինչև $860 միլիոն:
2. Ամերիկյան Citibank-ը տեղեկացրել է ռուսական ընկերությունների (EN+, Լուկօյլ, Տատնեֆտ, Ռոստելեկոմ, Ֆոսագրո) դեպոզիտար ծանուցագրերի սեփականատերերին, որ օգոստոսի 1-ը կլինի վերջին օրը դրանց բաժնետոմսերի փոխարկման համար: Այդ ամսաթվից հետո փոխարկումը հնարավոր չի լինի:
Մեկնաբանություն