ՊԵԿ-ն «Էվրիկա»-ին տուգանել է 10 մլն դրամով
Ակբա բանկը €50 միլիոն կուղղի Հայաստանում ՓՄՁ-ների զարգացմանը
Առևտրային բանկերը 2024թ.-ի մարտի դրությամբ 5,099 մլրդ-ի վարկեր է տրամադրել
Ներդրումային eqwefy ընկերությունը լիցենզիա է ստացել ՀՀ Կենտրոնական բանկի կողմից
Չինաստանում զարգանում է մահացած մարդկանց «AI կլոնների» ստեղծման մշակույթը
Neuralink-ը թաքցրել է ուղեղի իմպլանտների կոնտակտների հետ կապված խնդիրները
4,5 ամսում Հայաստանում թունավորման ավելի քան 1000 դեպք է եղել
TikTok-ը փորձարկում է 60 րոպե տևողությամբ տեսանյութեր, բայց դեռ ոչ բոլորը կարող են վերբեռնել դրանք
Կկայանա Business YereFun նեթվորքինգ իրադարձությունը
Հռոմի Պապը մտադիր է այցելել Թուրքիա՝ նշելու Նիկեայի Առաջին տիեզերական ժողովի 1700-ամյակը
Եվրամիությունը Instagram-ին և Facebook-ին մեղադրում է երեխաներին կախվածության մեջ պահելու և վնասելու մեջ
Ինչպես դառնալ հաջողակ և նորարար մենեջեր Հայաստանում. հոդվածը կարդացեք ABnews.am կայքում
Հայաստանում ամենաշատը վարձատրվում են ֆինանսների և ապահովագրության ոլորտի աշխատակիցները. 2024թ. մարտ
2024թ.-ի մարտի դրությամբ Հայաստանում զբաղվածների ամենամեծ թիվը մեծածախ և մանրածախ առևտրում է
Անցյալ ամառն ամենաշոգն էր վերջին 2 հազար տարում․ գիտնականներ
Ներկայումս CBDC-ի կարիք չկա. Չիլիի Կենտրոնական բանկ
Սահմանազատումից հետո ՀՀ–ն կորցնում է Կիրանցից 2 տուն և 57 հողամաս. «Թաթոյան» հիմնադրամ
Կիրանց գյուղ մտնող ճանապարհներին ոստիկանական անցակետեր են տեղադրվել
Նորաստեղծ Notcoin-ը կարող է լուրջ մրցակից դառնալ մի շարք կրիպտոարժույթների համար
Bitcoin-ի փոխարժեքը նվազել է. 17.05.24

Հիփոթեքին ուղղվող եկամտահարկի վերադարձի համակարգը կդադարի գործել նաև մարզերում

Հնվ 10, 2024 15:29
141
ADS

Հիփոթեքային վարկի տոկոսադրույքի մարմանն ուղղվող եկամտային հարկի վերադարձի համակարգը 2025 թվականից չի գործի Երևանին հարակից մարզերում, 2029-ից՝ մյուս մարզերում:

Հայաստանի Հանրապետության հարկային օրենսգրքում փոփոխություններ կատարելու մասին օրենքի նախագիծն ԱԺ տնտեսական հարցերի հանձնաժողովի նիստում ներկայացրեց ֆինանսների փոխնախարար Արման Պողոսյանը:

Նախագծի նպատակներից է հիփոթեքային վարկերի սպասարկման գծով վերադարձվող եկամտային հարկի գումարների անշեղ աճը զսպելը երկարաժամկետ հեռանկարում: Ըստ փոխնախարարի՝ այդ համակարգի բացասական կողմը եկամուտների վերաբաշխման վրա անհամարժեք ազդեցությունն է այն իմաստով, որ համակարգից օգտվում են հիմնականում միջին ու բարձր եկամուտ ունեցողները: «Բարձր ու միջին եկամտային խմբերում գտնվողների համար եկամտային հարկի արդյունավետ դրույքաչափն էականորեն ավելի ցածր է, քանի որ վճարում ու ամբողջությամբ կամ մասամբ հետ են ստանում, քան այն քաղաքացիների եկամտային հարկի արդյունավետ դրույքաչափը, որոնք այս համակարգի շահառու չեն: Փաստացի կարող ենք ասել, որ եկամտային հարկը ռեգրեսիվության տարրեր է պարունակում»,-ասաց Պողոսյանը:

2021-ի վերջին ընդունվել էր օրենք, որով սահմանվել էր, որ որոշակի ժամանակացույցով համակարգի կիրառությունը կդադարեցվի Երևանում: Վերջնաժամկետը 2025 թվականի հունվարի 1-ն է, այսինքն՝ դրանից հետո ստացվող վարկերի մասով այլևս հիփոթեքային վարկերի սպասարկման տոկոսների վերադարձ չի կատարվի:

«Մոտավորապես նույն տրամաբանությամբ, բայց ավելի երկար ժամկետներով առաջարկվում է նույն լուծումն ունենալ մարզերի համար: Երևանին հարակից մարզերի համար առաջարկվում է արտոնության կիրառությունը դադարեցնել 2027 թվականի հունվարի 1-ից հետո ստացվող հիփոթեքային վարկերի գծով, իսկ մնացած մարզերի մասով՝ 2029 թվականի հունվարի 1-ից հետո՝ բացառություն նախատեսելով սահմանամերձ բնակավայրերի համար»,-ասաց Պողոսյանը՝ հավելելով, որ նախագծով առաջարկվող կարգավորմանը հետադարձ ուժ չի տրվելու:

Փոփոխություն է կատարվում նաև վերադարձվող եկամտային հարկի եռամսյակային առավելագույն սահմանաչափի հարցում: Օրենսդրությամբ այժմ սահմանված է 1.5 մլն դրամի չափով, նախագծով առաջարկվում է նվազեցնել՝ սահմանելով 750 հազար դրամի չափով:

2023 թվականն ամփոփվել է շուրջ 52 մլրդ դրամ եկամտային հարկի վերադարձով, 2022-ին թիվը եղել է 36.5 մլրդ դրամ: Այս տարվա համար գնահատվում է շուրջ 80 մլրդ դրամ:

Նախագիծը հանձնաժողովում դրական եզրակացություն ստացավ, կքննարկվի լիագումար նիստում:

Մեկնաբանություն