Apple-ի բաժնետոմսերը նվազել են Նյու Յորքում նախնական առուվաճառքի ժամանակ.հետազոտությունը ցույց է տվել,որ Չինաստանում iPhone 15-ի վաճառքը զիջում է նախորդ տարվա՝ Iphone 14-ի ցուցանիշին:
Counterpoint Research-ի նոր զեկույցը, վկայում է, որ iPhone 15-ի վաճառքը նվազել է 3,5%-ով՝ համեմատած iPhone 14-ի՝ գործարկումից հետո առաջին 17 օրվա ընթացքում:
Counterpoint-ը նշել է, որ նոր iPhone-ի վաճառքի անկումը Չինաստանում պայմանավորված է թուլացող տնտեսությամբ: Նշվում է, որ ԱՄՆ-ում iPhone 15-ի վաճառքը հավանաբար երկնիշ աճ կունենար 2022 թվականի վաճառքի առաջին ինը օրերի ընթացքում iPhone 14-ի համեմատ:
Այնուամենայնիվ, նոր iPhone-ի դեբյուտը Չինաստանում տեղի ունեցավ շաբաթներ անց Huawei Technologies-ի կողմից Mate 60 Pro-ի թողարկումից հետո, որն օգտագործում է չինական արտադրության գերժամանակակից պրոցեսոր և համարվում է չինական տեխնոլոգիաների հաղթանակ՝ չնայած չիպերի նկատմամբ ԱՄՆ պատժամիջոցներին:
Apple-ի բաժնետոմսերն ընկել են մինչև 1,7%նախաշուկայական առևտրում.
Չինաստանում iPhone-ի վաճառքի անկումը կարելի է վերագրել դանդաղ տնտեսական վերականգնմանը և աշխարհի երկրորդ խոշոր տնտեսության սպառողների նախապատվությանը՝ տեղական արտադրանքին:
Հիշեցնենք, որ Apple-ի եկամուտների մոտ 20%-ը բաժին է ընկնում Չինաստանին:
Մեկնաբանություն