Աշխատանքի եւ սոցիալական հարցերի նախարար Նարեկ Մկրտչյանն այսօր ասել է, որ ՀՀ–ում կենսաթոշակառուներն օգոստոսին 5 մլրդ 500 հազար դրամի անկանխիկ առեւտուր են արել,- գրում է banks.am-ը:
Նա նշել է, որ կենսաթոշակով անկանխիկ առեւտրի համակարգին օգոստոսին միացել է նաեւ «Հայէկոնոմբանկը», ինչի արդյունքում 15 հազար նոր քաղաքացի է ներգրավվել.
«Այս պահին կենսաթոշակային քարտով անկանխիկ առեւտուր է անում, ընդհանուր առմամբ, 141 հազար անձ։ Անկանխիկ առեւտրի հետվճարների ծավալը միայն օգոստոսին կազմել է 419 մլն դրամ»։
Նախարարի խոսքով՝ համակարգին շուտով կմիանա նաեւ «Յունիբանկը» ու մինչեւ տարեվերջ շահառուների բավականին մեծ թիվ կարելի է կանխատեսել։
«Մեկ տարվա ընթացքում անկանխիկի առեւտրի ընդհանուր ծավալը կազմել է 43.2 մլրդ դրամ, իսկ որպես հետվճար ընդհանուր վերադարձվել է 3.6 մլրդ դրամ»,– ասել է Նարեկ Մկրտչյանը:
Նա նշել է, որ թոշակառուների 20-25%-ն արդեն միացել է համակարգին. «Ծրագրի մեկնարկից մինչեւ օգոստոսը, ներառյալ` արձանագրվել է 43.2 մլրդի անկանխիկի ընդհանուր ծավալ, իսկ ընդհանուր վերադարձվել է 3.6 մլրդ դրամ»։
