![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2023/06/Turkish_Lira_187577042.webp)
Թուրքական լիրայի փոխարժեքը շարունակում է ռեկորդային անկումը ԱՄՆ դոլարի և եվրոյի նկատմամբ, որը սկսվել է նախորդ օրը Կենտրոնական բանկի՝ 2021 թվականի մարտից ի վեր առաջին անգամ հիմնական տոկոսադրույքը բարձրացնելու որոշումից հետո,- գրում է b24.am-ը։
Այսպիսով, լիրան արժեզրկվել է՝ հասնելով պատմական նվազագույնի՝ մեկ դոլարի դիմաց հասնելով 25.11 լիրայի, իսկ եվրոն վաճառվում է 27.46-ով։
Հիշեցնենք՝ Թուրքիայի Կենտրոնական բանկը հիմնական տոկոսադրույքը 8.5%-ից բարձրացրել է 15%-ի։ Սա 27 ամսվա ընթացքում տոկոսադրույքի առաջին բարձրացումն է և ընտրություններից հետո նշանակված Կենտրոնական բանկի նոր ղեկավարության առաջին որոշումը: Վերջին անգամ Թուրքիայում տոկոսադրույքը բարձրացվել է 2021 թվականի գարնանը՝ հասնելով մինչև 19%, որից հետո Կենտրոնական բանկը կամ պահել է այն, կամ իջեցրել։
Մեկնաբանություն