Forbes USA-ը հրապարակել է 2022 թվականի ԱՄՆ 25 ամենաառատաձեռն բարերար միլիարդատերների վարկանիշը։ Վարկանիշը գլխավորել է Berkshire Hathaway-ի սեփականատեր Ուորեն Բաֆեթը: Ամենաառատաձեռն միլիարդատերերի հնգյակում են նաեւ Բաֆեթի գործընկերները` Microsoft-ի համահիմնադիր Բիլ Գեյթսը եւ նրա նախկին կինը՝ Մելինդա Ֆրենչ Գեյթսը, նաեւ ֆինանսիստ Ջորջ Սորոսը, Amazon-ի հիմնադիր Ջեֆ Բեզոսի նախկին կինը՝ Մաքենզի Սքոթը եւ Նյու Յորքի նախկին քաղաքապետ Մայքլ Բլումբերգը:
Վարկանիշում ընդգրկված միլիարդատերները միագումար $196 միլիարդ են ուղղել բարեգործությանը, իսկ նրանց ընդհանուր կարողությունը գնահատվում է $936 միլիարդ։ Forbes ամսագրի ռուսաստանյան հանդեսի փոխանցմամբ՝ ցուցակում առաջին անգամ ներառվել է գործարար, Google-ի համահիմնադիր Սերգեյ Բրինը, որը զբաղեցրել է 14-րդ տեղը։
JavaScript seems to be disabled in your browser. You must have JavaScript enabled in your browser to utilize the functionality of this website.
