Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի, ինչպես նաև Իրաքի հյուսիսում Թուրքիան հնարավոր է ցամաքային գործողություն սկսի քրդերի դեմ: էրդողանի խոսքով՝ այժմ թուրքական կողմը գնահատում է թե որքան ցամաքային ուժ է հարկավոր համապատասխան քայլեր ձեռնարկելու համար: Էրդողանն արդեն մի քանի ամիս է սպառնում է Սիրիայի հյուսիսում քրդական ուժերի դեմ նոր լայնածավալ ռազմական գործողություններ սկսել, սակայն Ռուսաստանը, Իրանը, ինչպես նաև արևմուտքն ի դեմս Միացյալ Նահանգների, կիրառել են իրենց ունեցած լծակները լայնածավալ գործողություններ թույլ չտալու համար: Էրդողանի այս մտադրությունը լուրջ մտահոգություններ է առաջացնում տարածաշրջանային ուժերի մոտ: Թուրքիային իրավիճակի ապաէսկալացիայի կոչով դիմել է և՛ Ռուսաստանը, և՛ Միացյալ Նահանգները, որոնց ի դեպ, Էդողանը մեղադրում է քրդերի մասով իրենց պարտավորությունները չկատարելու մեջ, ինչի հետևանքով Թուրքիայի ազգային անվտանգությունը լուրջ մարտահրավերներ ունի:
JavaScript seems to be disabled in your browser. You must have JavaScript enabled in your browser to utilize the functionality of this website.
