Նոր չորրորդ սերնդի iPhone SE-ն, որը նախատեսվում է թողարկել 2024 թվականին, կստանա 6,1 դյույմանոց LCD էկրան ՝ էկրանի վերևի մասում շրջանաձև կետային կտրվածքով։ Այդ մասին հայտնում է MacRumors-ը ՝ հղում անելով Display Supply Chain Consultants (DSCC) ընկերությունների խմբի վերլուծաբան Ռոս Յանգին:
Դեռ հայտնի չէ ՝ արդյոք նոր սմարթֆոնը կհամալրվի Face ID-ով։ Որոշ տեղեկությունների համաձայն ՝ iPhone SE-ն (2024) կստանա Touch ID մատնահետքի սքաներ ՝ արտադրության ծախսերը նվազեցնելու համար։ Միևնույն ժամանակ, Apple-ի ժամանակակից սմարթֆոնների դիզայնը չի նախատեսում էկրանի վրա ֆիզիկական սենսորի տեղադրում, ուստի, ամենայն հավանականությամբ, այն կտեղադրվի կողքից։
iPhone SE-ի (2024) դիզայնը նմանվելու է 2018 թվականին թողարկված iPhone Xr-ին։ Վերջինս համալրված էր նաեւ 6,1 դյույմանոց LCD էկրանով։ Մինչդեռ iPhone-ի բոլոր ժամանակակից մոդելները, նույնիսկ բյուջետային տարբերակները, ինչպիսին iPhone 14-ն է, ստացել են ավելի ժամանակակից OLED էկրաններ:
