Սննդամթերք անվտանգության տեսչական մարմնի ղեկավարի հրամանով մի ամբողջ ամիս ուժեղացված ստուգումներ են իրականացվելու նաև բոլոր մարզերում: ՍԱՏՄ տեսուչները կունենան իրացման նույն կետը անակնկալ մի քանի անգամ ստուգելու հնարավորություն: Արմավիրի մարզում կա մսի վաճառքի մոտ 50 կետ, արդեն ստուգել են 14-ը, որից 2-ում մոտ 90 կգ մսի վաճառքն արգելվել է սպանդանոցային ծագման փաստաթուղթ չունենալու պատճառով: Հայտնաբերված խախտումների փոքր թիվը պայմանավորված է հանգամանքով, որ Արմավիրում գործում է 2 շարժական և 7 ներտնտեսային սպանդանոց՝ վստահեցնում է ՍԱՏՄ Արմավիրի պատասխանատուն: Մսավաճառները ևս սկսել են խուսափել առանց փաստաթղթի մսի վաճառքից: Սեպտեմբերի 5-ից մեկնարկած մարզային ուժեղացված ծառայության ընթացքում հանրապետությունում ստուգվել է 95 կազմակերպություն, հայտնաբերված 26 խախտման հետևանքով կասեցվել է մոտ 1 տոննա մսի վաճառք:
Մեկնաբանություն