Հայաստանի միջազգային պահուստները 2022-ի տարեվերջին հատել են 4 մլրդ դոլարի շեմը Հայաստանի միջազգային պահուստները 2022-ի տարեվերջում հատել են 4 մլրդ դոլարի շեմը: Խոսքը հիմնականում արտարժույթով պահուստների մասին է: Եթե 2021-ի դեկտեմբերին այդ թիվը մոտ 3 մլրդ 230 մլն դոլար էր, ապա 2022-ի նույն ամսին այն արդեն մոտ 4 մլրդ 110 մլնի է հասել: Աճը կազմել է ավելի քան 27 (27.2), իսկ 2020-ի դեկտեմբերի համեմատ` 57 (57.1) տոկոս: Մասնագետները դրական են գնահատում պահուստների նման բարձր տեմպով աճը: Մինչև այժմ միջազգային պահուստների ամենաբարձր մակարդակը գրանցվել էր 2022-ի սեպտեմբերին 3 մլրդ 739 մլն դոլար, տարեվերջին դա գերազանցվել է մոտ 10 տոկոսով: