Հոլանդական գարեջրագործ Heineken-ը պլանավորում է համաձայնության գալ Ռուսաստանում իր բիզնեսը վաճառելու մասին 2022 թվականին։ Այս մասին հաղորդագրություն է հրապարակել ընկերության մամուլի ծառայությունը իր կայքում։ Heineken-ը Ռուսաստանում իր ակտիվները գնահատել է 475 միլիոն եվրո:
Հաշվետվության համաձայն ՝ 2022 թվականի ապրիլից հունիս խմբի զուտ շահույթը կազմել է 1,27 միլիարդ եվրո ՝ 2021 թվականի նույն ժամանակահատվածի 1,03 միլիարդ եվրոյի դիմաց: Ճշգրտված շահույթն աճել է 40%-ով ՝ հասնելով 1,33 մլրդ եվրոյի, իսկ հասույթն աճել է ՝ 2021 թվականի երկրորդ եռամսյակի 10,01 մլրդ եվրոյից մինչև 13,49 մլրդ եվրո:
Հիշեցնենք,որ մարտի սկզբին Heineken-ը հայտարարեց, որ դադարեցնում է Ռուսաստանի Դաշնությունում Heineken ապրանքանիշով գարեջրի արտադրությունն ու վաճառքը, ինչպես նաև հրաժարվում է շահույթ ստանալ իրենց ռուսական ստորաբաժանումից։
Ընկերությունը ռուսական շուկայում գործում է 2002 թվականի փետրվարից։ Այնուհետև Heineken-ը գնել է Սանկտ Պետերբուրգի առաջին գործարանը։
