Օգոստոսի 7-ին IDBank և Իդրամ ընկերությունների աշխատակիցները Կոտայքի մարզի գեղատեսիլ Մարմարիկ գյուղում կազմակերպված «Հզոր միտք» ՀԿ-ի «Հորիզոն» ճամբարի հյուրերն էին։
Հիշեցնենք, որ օգոստոսի 1-ին մեկնարկած յոթնօրյա ճամբարի գլխավոր աջակից «Մի դրամի ուժն» այս տարվա հունիսին հավաքագրված ողջ հասույթը՝ 4․046․161 դրամն, ուղղել էր ճամբարի կայացման ծրագրին, որի շնորհիվ մարզաբնակ, ինչպես նաև Արցախից ու Ջավախքից 14-19 տարեկան թվով 70 երիտասարդներ հնարավորություն ունեցան զարգացնելու իրենց առաջնորդական հմտությունները, շփվել ոլորտի մասնագետների, գործարարների հետ և արժեքավոր կապեր ու ծանոթություններ ձեռք բերել։
Ջերմ ու հիշարժան հանդիպմանն էր միացել նաև Իդրամ Ջունիորը՝ ճամբարի մասնակիցների համար բերելով հետաքրքրաշարժ ինտելեկտուալ խաղ, իսկ հաղթողներին՝ նաև նվերներ։
Հանդիպման ընթացքում թվով տաս ամենաակտիվ ճամբարականներ IDBank և Իդրամ ընկերությունների կողմից նվեր ստացան 60, 40 և 30 հազար դրամ արժողությամբ Բանկի լոյալության նոր միավորներ՝ idcoin-ներ, որոնք կարելի է ծախսել ըստ ցանկության՝ շուրջ 22 000 վաճառակետերում, որտեղ կա Իդրամ QR-ով վճարման հնարավորություն։
Նշենք, որ idcoin կարելի է ստանալ պրոդուկտների, արշավների, հավատարմության այլ ծրագրերի շրջանակում, որոնց մասին կարելի է տեղեկանալ IDBank-ի պաշտոնական կայքից։
Մեկնաբանություն