Բնական գազի ամերիկյան արտադրողներն արդեն օգտագործել են իրենց բոլոր հնարավորությունները Եվրոպա գազ մատակարարելու համար և աշխատում են ընդլայնել դրանք՝ ուկրաինական իրադարձությունների պատճառով էներգետիկ ճգնաժամում իրենց գործընկերներին աջակցելու համար, գրում է ՌԻԱ Նովոստին։
Արդյունաբերական ասոցիացիայի ներկայացուցիչ Դաֆնե Մագնուսոնի խոսքով, այս ձմռանն օգտագործվել են արտահանման բոլոր հնարավորությունները, և լրացուցիչ ծավալներ են ավելացվում էներգետիկայի նախարարության կողմից հաստատված լիցենզիաների միջոցով։ Ամերիկյան բնական գազի մատակարարների ասոցիացիայի անդամները հույս ունեն շուտով իշխանություններից լրացուցիչ արտադրական լիցենզիաներ ստանալ, հավելել է Մագնուսոնը:
Հունվարին Financial Times-ը գրել էր, որ ԱՄՆ-ը բանակցություններ է վարում Կատարի հետ՝ Ուկրաինայում հակամարտության դեպքում Եվրամիություն գազ մատակարարելու համար: Այնուամենայնիվ, ըստ Bloomberg-ի փորձագետների, էմիրության արտադրական հզորությունն արդեն ամբողջությամբ բեռնված է. նրա բեռների մեծ մասն ուղարկվում է Ասիա երկարաժամկետ պայմանագրերով:
Մարտի 24-ին Եվրահանձնաժողովի ղեկավար Ուրսուլա ֆոն դեր Լեյենը հայտարարեց Եվրամիության և Միացյալ Նահանգների միջև նոր գործընկերության մասին՝ կապված ԱՄՆ-ից հեղուկ բնական գազի լրացուցիչ մատակարարումների հետ:
Մեկնաբանություն