«ՌԷԴ Ինվեսթ Գրուպ» անշարժ գույքի մասնագիտացված ընկերությունն իր հաճախորդին է ներկայացնում Նոր Հաճն քաղաքում կառուցվող «Սապֆիր» բազմաֆունկցիոնալ համալիրը: Բազմաֆունկցիոնալ համալիրը նախկին արտադրական տարածքի վերակառուցման մի մասն է կազմում: «Սապֆիրը» հավակնում է դառնալ Նոր Հաճն քաղաքի զարգացման պատմության նոր էջը։
Նախագծի ընդհանուր հողատարածքի մակերեսը կազմում է 11 237քմ։ Այստեղ նախագծվում է կառուցել՝ բազմաբնակարան շենքեր, առանձնատներ, IT Park, առևտրային և գրասենյակային տարածքներ, մարզադաշտ, թենիսի կորտ, ֆուտբոլի և բասկետբոլի դաշտ, մանկական խաղահրապարակ, կանաչապատ հատված, որտեղ արգելված է մեքենաների մուքտը, բացառությամբ շտապ օգնության և հրշեջ ծառայության մեքենաների։
Նախագծի առաջին փուլով կառուցվում են 2 բարձրահարկ՝ մոդեռն ոճի ճարտարապետական լուծումներով բնակելի շենքեր՝ բաղկացած թվով 2 մասնաշենքերից, 384 բնակարաններով, որոնցից յուրաքանչյուրը կունենա 1-ական վերելակներ, 12 վերգետնյա հարկ և 1 ստորգետնյա ավտոկայանատեղիի հարկ։
