Հայաստանի Հաշվապահների Ասոցիացիան և Զբոսաշրջության Նորարարության և Զարգացման Ֆեդերացիան համագործակցության հուշագիր են ստորագրել

Հայաստանի Հաշվապահների Ասոցիացիան և Զբոսաշրջության Նորարարության և Զարգացման Ֆեդերացիան համագործակցության հուշագիր են ստորագրել:

Համագործակցության նպատակն է զբոսաշրջային ոլորտի օրենսդրական դաշտի բարելավումը, ինչպես նաև առկա խնդիրների համար համատեղ լուծումներ գտնելը։

Վերոնշյալ գործընթացներում ներգրավված են լինելու հարկային ոլորտի գիտելիքների մեծ պաշար ունեցող փորձագետներ, ովքեր հաճախ մասնակցում են պետական մարմինների կողմից ոլորտի իրավական ակտերի մշակման գործընթացներին։

Հուշագրի ստորագրումը լայն հնարավորություններ է ընձեռում և համագործակցության ակնկալիքները դարձնում առավել շահավետ երկու կողմերի համար։

Հուշագիրը ստորագրած կողմերը նշում են, որ ամեն կերպ համադրելու են իրենց փորձը և գիտելիքները` ոլորտում դրական փոփոխություններ իրականացնելու համար: