«Չելսի» ֆուտբոլային ակումբի նոր սեփականատերը կլինի ներդրողների կոնսորցիումը ` ամերիկացի միլիարդատեր Թոդ Բելիի գլխավորությամբ։ Այս մասին պաշտոնապես կարող է հայտարարվել արդեն ուրբաթ օրը,- գրում է Bloomberg-ը։
Գործարքի արժեքը հայտնի չէ, բայց, ամենայն հավանականությամբ, այն կգերազանցի «Մանչեսթեր Յունայթեդի» նախկին ռեկորդը, որը 2005 թվականին վճարվել է ավելի քան 700 միլիոն ֆունտ ստեռլինգով:
«Չելսիի» սեփականատերերի փոփոխությունը դեռ պետք է համաձայնեցվի Մեծ Բրիտանիայի կառավարության և Անգլիայի Պրեմիեր լիգայի կողմից: Ակումբը ձեռք բերել նախատեսող ցուցակում , բացի Բելիից, ընդգրկված են նաև Clearlake Capital ներդրումային ընկերությունը, շվեյցարացի գործարար Հանսյորգ Վիսը և ամերիկացի գործարար Մարկ Ուոլթերը։ Բելին և Ուոլթերը Լոս Անջելես Դոջերսի համասեփականատերերն են։
«Չելսին» 2003 թվականից պատկանում է ռուս օլիգարխ Ռոման Աբրամովիչին։ 2022 թվականի փետրվարի վերջին նա հայտարարել էր ակումբը ղեկավարելու լիազորությունները Չելսիի բարեգործական հիմնադրամի հոգաբարձուներին փոխանցելու մասին, իսկ մարտի 2-ին հայտարարեց ակումբը վաճառելու իր մտադրության մասին։ Մարտի 10-ին Մեծ Բրիտանիայի կառավարությունը պատժամիջոցներ է սահմանել Աբրամովիչի նկատմամբ, որոնք ներառում են, մասնավորապես, ակտիվների սառեցում։ Մարտի 12-ին Պրեմիեր լիգան հեռացրել է ռուս միլիարդատիրոջը ակումբի ղեկավարությունից, իսկ «Չելսիին» արտոնագիր է տրվել ՝ շարունակելու գործունեությունը սահմանափակումներով։
