Ընթացիկ տարվա հունվարից սեպտեմբեր ընկած ժամանակահատվածում զբոսաշրջությունից Վրաստանի եկամուտը կազմել է 2,5 մլրդ դոլար,- հինգշաբթի հայտնել է Վրաստանի էկոնոմիկայի նախարարության զբոսաշրջության ազգային վարչության մամուլի ծառայությունը։ Այս տարվա ինն ամիսների շահույթը 190,8%-ով ավելի է, քան 2021թ.։ Միայն սեպտեմբերին հանրապետությունը զբոսաշրջությունից վաստակել է ավելի քան 375 մլն դոլար, ինչը 132,1 տոկոսով ավելի է, քան 2021 թվականի սեպտեմբերին,- նշում է նախարարությունը։
Ինչ վերաբերում է կորոնավիրուսային պանդեմիայի սկսվելուց հետո զբոսաշրջության ոլորտի վերականգնման գործընթացին, ապա զբոսաշրջության վարչությունը նշել է, որ այս տարվա հունվար-սեպտեմբեր ամիսների եկամուտները վերականգնվել են 97,5%-ով ՝ 2019 թվականի համանման տվյալների համեմատ։ Ընթացիկ տարվա հունվարից սեպտեմբեր ընկած ժամանակահատվածում Վրաստան է իրականացվել ավելի քան 3,8 միլիոն զբոսաշրջային ուղևորություն, ինչը գրեթե երեք անգամ ավելի է, քան 2021 թվականին։
