«Էպիկական զայրույթ» թե՞ վերջնական խաղաղություն. Թրամփը վերջնագիր է ներկայացրել Իրանին

Ըստ Թրամփի՝ եթե Թեհրանը լիարժեք կատարի նախնական պայմանավորվածությունները, նեղուցը բաց կլինի բոլորի համար։

ԱՄՆ նախագահ Դոնալդ Թրամփը Truth Social-ի իր էջում հանդես է եկել Իրանի հասցեին ուղղված հերթական կոշտ հայտարարությամբ։ Նախագահը հստակեցրել է պայմանները, որոնց դեպքում ԱՄՆ-ն կդադարեցնի «Էպիկական զայրույթ» (Epic Fury) ռազմագործողությունը և կապաշրջափակի Հորմուզի նեղուցը։

Ըստ Թրամփի՝ եթե Թեհրանը լիարժեք կատարի նախնական պայմանավորվածությունները, նեղուցը բաց կլինի բոլորի համար։ Սակայն հակառակ դեպքում նախագահը սպառնացել է «աննախադեպ ինտենսիվության» ռմբակոծություններով։ «Եթե նրանք չհամաձայնեն, ռմբակոծությունները կսկսվեն, և դրանք կլինեն շատ ավելի բարձր մակարդակի, քան նախկինում»,- նշել է Սպիտակ տան ղեկավարը՝ շեշտելով, որ Վաշինգտոնը պատրաստ է ցանկացած սցենարի։