Ռուսաստանն արգելափակել են Fortum և Enel ընկերությունների ակտիվների վաճառքը Ռուսաստանն արգելել է ոչ բարեկամ երկրների ընկերություններին վաճառել իրենց ակտիվները ֆինանսական հատվածում և վառելիքաէներգետիկ համալիրում: Դրանց թվում են Իտալիայի Enel և Ֆինլանդիայի Fortum էներգետիկ ընկերությունները,- գրում է «Կոմերսանտ» թերթը։ Իտալացիները Ռուսաստանում ունեն 5,6 ԳՎտ հզորությամբ երեք էլեկտրակայան և երկու հողմակայան։ Նրանք նախատեսում էին դրանք վաճառել «Lukoil»-ին և «Գազպրոմբանկ-Ֆրեզիա» հիմնադրամին 137 միլիոն եվրոյով։ Fortum-ը նույնպես ակտիվորեն հավաքում էր գնորդների հայտերը ռուսական ակտիվների համար: Fortum էներգետիկ ընկերության նկատմամբ, որտեղ ֆիննական կոնցեռնին է պատկանում 98,25%-ը, հետաքրքրություն են ցուցաբերել Գազպրոմբանկը, AFK Sistema-ն և Invest AG-ն։ Մեկ այլ արևմտյան էներգետիկ հսկա, որն ակտիվներ ունի Ռուսաստանում, գերմանական Uniper-ն է: Նա հինգ ռուսական էլեկտրակայանների սեփականատեր է, բանակցություններ է վարել պոտենցիալ գնորդների հետ, բայց չի հասել վաճառքի փուլին։ Այժմ ընկերությունները ստիպված կլինեն աշխատել պատժամիջոցների տակ և մտածել, թե ինչպես ապահովել էլեկտրաէներգիայի շոգետուրբինների և հողմային տուրբինների շահագործումը, որոնք չեն արտադրվում Ռուսաստանում։ Կայանների չաշխատելը կհանհգեցնի ընկերությունների համար մեծ տուգանքների։