Անցնող շաբաթվա այլ կարևոր իրադարձությունները ֆինանսական շուկաների համար

Nvidia-ն իր շուկայական արժեքով կրկին զբաղեցրել է 3-րդ տեղն աշխարհում՝ զիջելով Microsoft-ին և Apple-ին։ Ընկերության բաժնետոմսերի գինը 2 օրվա ընթացքում նվազել է մոտ 6%-ով, ինչի արդյունքում ընդհանուր շուկայական արժեքը նվազել է ավելի քան 200 միլիարդ դոլարով։ ԱՄՆ-ում մայիսին սպառողական գների ինդեքսը տարեկան կտրվածքով աճել է 2.6%-ով՝ գրանցելով 2021թ.-ից ի վեր աճի նվազագույն ցուցանիշը։ Չորեքշաբթի օրը դոլարի փոխարժեքը ճապոնական իենի նկատմամբ հասել է վերջին 38 տարիների առավելագույն մակարդակին, ինչը պայմանավորված է ամերիկյան արժեթղթերի նկատմամբ ճապոնացի ներդրողների հետաքրքրության բարձրացմամբ։ Կանադայում գնաճը տարեկան կտրվածքով մայիսին նախորդ ամսվա համեմատ աճել է 0.2%-ով՝ կազմելով 2.9%։ Շուկայի մասնակիցները 50%-ից ցածր են գնահատում Կանադայի կենտրոնական բանկի կողմից տոկոսադրույքների նվազեցման հավանականությունը։ ԱՄՆ համախառն ներքին արդյունքի աճը այս տարվա առաջին եռամսյակի համար ճշգրտվել է և կազմել 1.4%՝ նախապես հրապարակված 1.3%-ի համեմատ։ Սպառողական ծախսերի աճը կազմել է 1.5%՝ նախապես հրապարակված 2%-ի փոխարեն։ finarm.am