![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2024/06/ABNSPHOTO-56-2.png)
Հայաստանի Գիտությունների Ազգային Ակադեմիայում տեղի է ունեցել «Հայաստան-Չինաստան մշակութային երկխոսություն» խորագրով միջազգային գիտաժողով, որը կազմակերպել էր ՀՀ ԳԱԱ Արևելագիտության ինստիտուտը՝ Վալերի Բրյուսովի անվան պետական համալսարանի Կոնֆուցիուսի ինստիտուտի աջակցությամբ:
Զեկույցներով հանդես են եկել ոլորտի հեղինակավոր մասնագետներ, գիտնականներ, նաև՝ Հայաստանում ՉԺՀ արտակարգ և լիազոր դեսպան Ֆան Յոնը: Ներկաներին տեսաուղերձով ողջունեց Չինաստանում ՀՀ արտակարգ և լիազոր դեսպան Վահե Գևորգյանը:
Դեսպան Ֆան Յոնը նշել է, որ Հայաստանում գնալով աճում է չինարեն ուսումնասիրողների թիվը: Մեր երկրում չինարեն է ուսումնասիրում ավելի քան 5 հազար ուսանող: Իսկ Չինաստանի համալսարաններում և դպրոցներում հիմա հայերեն է ուսուցանվում: Կատարվում են նաև ուսանողների փոխանակման ծրագրեր:
Ըստ դեսպանի, ներկայում Չինաստանը խթանում է համագործակցությունը «Մեկ գոտի, մեկ ճանապարհ» նախաձեռնությանը ներգրավված երկրների հետ՝ հատկապես կարևորելով փոխգործակցությունը կրթության ոլորտում։
Մեկնաբանություն