Չինաստանն աջակցում է Ռուսաստանի և Ուկրաինայի միջև կնքված «ապրանքային գործարքին» ՝ Սև ծովով ուկրաինական հացահատիկի արտահանման համար։ Այս մասին հայտարարել է Չինաստանի ԱԳՆ պաշտոնական ներկայացուցիչ Չժաո Լիջյանը,- փոխանցում է ՏԱՍՍ-ը։
«Չինաստանը ողջունում է համապատասխան համաձայնագիրը»,- արձագանքել է դիվանագետը։ Նա հավելել է, որ Չինաստանն աջակցում է Միավորված ազգերի կազմակերպության (ՄԱԿ) աշխատակազմի և ներկայացուցիչների դրական դերին, որոնք կներգրավվեն Սև ծովում առևտրային նավագնացության վերահսկման աշխատանքներում։
Պատասխանելով Չինաստանի արձագանքի մասին ԱՄՆ-ի ՝ Ռուսաստանին որպես ահաբեկչության հովանավոր ճանաչելուն, Լիջյանն ասել է, որ Արևելյան Եվրոպայում խաղաղության հաստատման համար Վաշինգտոնը պետք է հրապարակայնորեն աջակցի ռուս-ուկրաինական խաղաղ բանակցությունների մեկնարկին:
Հուլիսի 22-ին Ստամբուլում Ռուսաստանի, Ուկրաինայի, Թուրքիայի և ՄԱԿ-ի ներկայացուցիչները համաձայնագիր են ստորագրել Սև ծովով ուկրաինական հացահատիկի արտահանման մասին։ Գործարքը վերացրեց համաշխարհային շուկա ռուսական գյուղատնտեսական արտադրանքի մատակարարման սահմանափակումները և որոշեց սևծովյան տարածքով ուկրաինական հացահատիկի արտահանման ալգորիթմը։
