1. Շուկայի տենդենցներ
Համաշխարհային ինդեքսներ
• Dow Jones` +0,04% (42342,24)
• S&P 500`-0,09% (5867,08)
• S&P 500 ֆյուչերս` + 0,24%
• Nikkei 225` — 0,08% (38778)
• KOSPI` -1,48% (2399,82)
• Shanghai Composite` -0,13% (3365,97)
Ապրանքային շուկաներ
• Ոսկի`$2602,6 /ունցիա
• Brent նավթ`$72,6 / բարել
• WTI նավթ՝ մոտ $69,1/բարել
2. Մակրոտնտեսություն
Ճապոնիայի բանկը պահպանել է տոկոսադրույքը 0.25% մակարդակում։
Անգլիայի բանկը հաստատել է տոկոսադրույքը 4.75% տարեկան մակարդակում։
Չինաստանի կենտրոնական բանկը չի փոխել 1 տարվա վարկավորման հիմնական տոկոսադրույքը՝ պահպանելով այն 3.1% տարեկան մակարդակում։
ԱՄՆ-ի ՀՆԱ-ն 2024թ. երրորդ եռամսյակում, ըստ վերջնական գնահատականի, աճել է 3.1%-ով՝ տարեկան հաշվարկով։ Ակնկալվում էր 2.8% աճ։
ԱՄՆ-ում աշխատազուրկների աջակցության առաջին դիմումների քանակը մեկ շաբաթում նվազել է 22.000-ով՝ կազմելով 220.000 դիմում։
3. Volkswagen AG-ն և Գերմանիայի արհմիությունների ղեկավարները մոտ են համաձայնության՝ վերակառուցելու համանուն բրենդը առանց Գերմանիայում գործարանների փակման։
Ընկերության ղեկավարությունը պատրաստ է պահպանել գործարանները և վերականգնել աշխատատեղերի պահպանման ծրագիրը՝ գործող մինչև 2030 թվականը, եթե աշխատողները հրաժարվեն բոնուսային վճարներից։
4. Accenture խորհրդատվական ընկերությունը հայտնել է, որ եռամսյակի ընթացքում իր եկամուտը կազմել է $17,7 միլիարդ, իսկ մեկ բաժնետոմսին հասնող եկամուտը՝ $3,59։
Եռամսյակային արդյունքները գերազանցել են կանխատեսումները։ Հաջորդ եռամսյակի համար ընկերությունը կանխատեսում է $16,2-16,8 միլիարդ եկամուտ։ 2025 թվականի արդյունքներով 1 բաժնետոմսի եկամուտը կանխատեսվում է $12,43-12,79 մակարդակում։
