Համայնքային հողերի օտարումը կիրականացվի միայն էլեկտրոնային աճուրդով

Էլեկտրոնային հարթակի կիրառումը նպատակ ունի ապահովել գործընթացի թափանցիկությունը։

ՀՀ կառավարությունը ապրիլի 2-ի նիստում ընդունել է որոշում՝ հողային օրենսգրքում կատարված փոփոխությունների կիրառման շրջանակում։

Որոշմամբ սահմանվում է, որ համայնքային սեփականություն հանդիսացող հողամասերի օտարումը կիրականացվի բացառապես էլեկտրոնային աճուրդի միջոցով։

Կարգավորումը համապատասխանում է կառավարության որդեգրած քաղաքականությանը՝ պետական և համայնքային գույքի օտարման գործընթացի թվայնացման ուղղությամբ։

Էլեկտրոնային հարթակի կիրառումը նպատակ ունի ապահովել գործընթացի թափանցիկությունը, մրցակցային հավասար պայմանները և հանրային վերահսկողության բարձր մակարդակը։

Նախատեսվում է, որ այս մեխանիզմը կնվազեցնի մարդկային գործոնի ազդեցությունը, ինչպես նաև վարչարարական ծախսերն ու ժամկետները։

Միաժամանակ, այն կբարձրացնի տեղեկատվության հասանելիությունը և կնպաստի հնարավոր չարաշահումների կանխմանը։