Աշխարհի ամենահարուստ ընտանիքներն՝ ըստ Bloomberg-ի Եվ Bloomberg-ը ներկայացրել է աշխարհի ամենահարուստ ընտանիքների ցուցակը: Այն չորրորդ տարին անընդմեջ գլխավորում է Ուոլթոնների ընտանիքը, որին պատկանում է մեծածախ եւ մանրածախ առեւտրի Walmart խոշորագույն ցանցը։ Գործակալությունը ընտանիքի կարողությունը գնահատել է 224,5 միլիարդ դոլար: Ամենահարուստ ընտանիքների թոփ 10-ում ներառվել են նաեւ՝ Մարսերի ընտանիքը՝ Mars հրուշակեղենի եւ երկարաժամկետ պահպանման սննդամթերքի արտադրության սեփականատերերը՝ 160 մլրդ դոլար, Էրմեների ընտանիքը, ֆրանսիական Hermes նորաձեւության տան սեփականատերերը՝ 94,6 մլրդ դոլար, Վերթհայմերների ընտանիքը, ֆրանսիական Chanel նորաձեւության տան սեփականատերերը՝ 79 մլրդ դոլար: Ընդհանուր առմամբ վարկանիշում ներառվել է 25 ընտանիք։