Ովքեր պետք է 2025 թվականին ներկայացնեն հայտարարագիր
2024 թվականից մեկնարկած ֆիզիկական անձանց եկամուտների համընդհանուր հայտարարագրման համակարգի երկրորդ փուլը ընդլայնել է հայտարագիր ներկայացնող քաղաքացիների շրջանակը։ 2024 թվականի հաշվետու տարվա համար հայտարարագրերը պետք է ներկայացվեն մինչև 2025 թվականի մայիսի 1-ը ներառյալ։ Այս փուլի ընթացքում հայտարագիր ներկայացնելու պարտավորություն ունեն հետևյալ խմբերի քաղաքացիները․
Հիմնական խմբեր
- Վարձու աշխատողներ
Բոլոր ՀՀ քաղաքացիները, ովքեր 2024 թվականին աշխատել են որպես վարձու աշխատող։ - Քաղաքացիաիրավական պայմանագրերի հիման վրա եկամուտ ստացողներ
Քաղաքացիներ, ովքեր 2024 թվականին եկամուտ են ստացել քաղաքացիաիրավական պայմանագրերով։ - Պետական և համայնքային ծառայողներ
ՀՀ քաղաքացիներ, ովքեր 2024 թվականի դեկտեմբերի 31-ի դրությամբ համարվում են պետական կամ համայնքային ծառայողներ, ինչպես նաև հանրային պաշտոն զբաղեցնող անձինք։ - Առևտրային կազմակերպությունների մասնակիցներ
2023 թվականին 1 մլրդ դրամ և ավելի եկամուտ հայտարարագրած առևտրային կազմակերպությունների մասնակիցներ (բաժնետերեր, փայատերեր)։ - Իրական շահառուներ
«Փողերի լվացման և ահաբեկչության ֆինանսավորման դեմ պայքարի մասին» օրենքի շրջանակում որպես իրական շահառու համարվող քաղաքացիներ։ - 20 մլն դրամ և ավելի փոխառություն ստացողներ
2024 թվականին 20 մլն դրամ և ավելի չափով փոխառություն ստացած քաղաքացիներ։ Նկատենք, որ վարկերը չեն դիտարկվում որպես փոխառություն։
Հավելյալ պահանջներ
Հայտարարագիր ներկայացնելու պարտավորություն ունեն նաև այն անձինք, ովքեր 2024 թվականի ընթացքում վարձակալությամբ տրամադրել են անշարժ գույք կամ ստացել են եկամուտներ հարկային գործակալ չհանդիսացողներից։ Նման դեպքերում հարկերը պետք է վճարվեն պետական բյուջե մինչև 2025 թվականի մայիսի 1-ը։
Ինչպես ներկայացնել հայտարարագիրը
Եկամուտների հայտարարագիրը կարելի է ներկայացնել միայն Ֆիզիկական անձանց էլեկտրոնային ծառայությունների միասնական համակարգի միջոցով՝ self-portal.taxservice.am հարթակում։ Հարթակը հասանելի է ինչպես վեբ տարբերակով, այնպես էլ բջջային հավելվածներով (Apple App Store և Google Play Store)։
Անհրաժեշտ է․
- Էլեկտրոնային ստորագրություն և նույնականացում
Դրանք ապահովում են եկամուտների տվյալների գաղտնիությունը և անվտանգությունը։ Նույնականացումը կարող է իրականացվել ID քարտի կամ բջջային հեռախոսի միջոցով։ - ID քարտ և SIM քարտ
Բջջային օպերատորի օգնությամբ պետք է ակտիվացնել էլեկտրոնային նույնականացման և ստորագրության ծառայությունները։
Սոցիալական ծախսի փոխհատուցում
Հայտարարագիր ներկայացնող քաղաքացիները կարող են օգտվել սոցիալական ծախսի փոխհատուցման հնարավորությունից, եթե 2024 թվականին․
- Առողջության ապահովագրություն են ձեռք բերել
Փոխհատուցման առավելագույն չափը՝ 50,000 դրամ տարեկան։ - Կրթական ծախսեր են կատարել
Նախադպրոցականից մինչև բարձրագույն կրթության համար։ Փոխհատուցման առավելագույն չափը՝ 100,000 դրամ տարեկան։
Կարևոր է․ Սոցիալական ծախսերի ընդհանուր գումարը չի կարող գերազանցել 100,000 դրամը։ Փոխհատուցման համար պարտադիր է ապահովագրական ընկերությունից կամ կրթական հաստատությունից ստանալ հաշիվ-ապրանքագիր։
Լրացուցիչ աջակցություն
Հարցերի դեպքում քաղաքացիները կարող են դիմել իրենց բջջային օպերատորին կամ այցելել ՊԵԿ-ի կայքը։ Նման համակարգի ներդրումը մեծացնում է ֆինանսական թափանցիկությունը և հնարավորություն տալիս քաղաքացիներին օգտվել պետական տարբեր ծրագրերից։
