Բրիտանական FTSE 100 ինդեքսն աճել է 0.6%-ով և հասել իր պատմական առավելագույնին՝ 8400 միավորի, ինչը պայմանավորված է Անգլիայի բանկի կողմից դրամավարկային քաղաքականության մեղմացման սպասումներով։ FTSE 250-ը ևս բարձրացել է 0.6%-ով՝ գրանցելով վերջին 2 տարիների առավելագույն արժեքը։
ԱՄՆ-ում սպառողների վստահության ինդեքսը հասել է վերջին 6 ամիսների նվազագույն մակարդակին։ Մեկ տարվա գնաճի սպասվող ցուցանիշը 3.2%-ից բարձրացել է մինչև 3.5%, իսկ երկարաժամկետում գնաճի կանխատեսվող մակարդակը 3%-ից աճել է մինչև 3.1%:
ԱՄՆ-ում գործազրկության նպաստի առաջնային դիմումների թիվն աճել է 22,000-ով և կազմել 231,000՝ գրանցելով վերջին 8 ամիսների առավելագույն ցուցանիշը։
Շվեդիայի կենտրոնական բանկը 2016թ.-ից ի վեր առաջին անգամ նվազեցրել է վերաֆինանսավորման տոկոսադրույքը 0.25 տոկոսային կետով՝ սահմանելով 3.75%: Կենտրոնական բանկը հայտարարել է նաև, որ տարվա երկրորդ կիսամյակում հավանաբար տոկոսադրույքների ևս 2 կրճատում կլինի։
Չինական ավտոմեքենաների արտահանումը ապրիլին տարեկան կտրվածքով աճել է 38%-ով՝ հասնելով ռեկորդային մակարդակի՝ 417,000-ի։ Միաժամանակ տեղական շուկայում ավտոմեքենաների վաճառքի ծավալը նվազել է 5.8%-ով։
