Ֆրանսիական ավտոկոնցեռն Renault -ն կդադարեցնի իր գործունեությունը Ռուսաստանում։
Որոշումն ընդունվել է Ուկրաինա Ռուսաստանի ներխուժման ֆոնին։ Այդ մասին ընկերությունը պաշտոնական հայտարարություն է տարածել իր կայքում։Ավելի վաղ նման որոշման մասին էին հայտնել Audi, General Motors, Scania, Skoda արտադրողները։
Renault-ին է պատկանում նաև ռուսական AvtoVAZ ավտոարտադրողի բաժնետոմսերի վերահսկիչ փաթեթը: Մինչ Ուկրաինայի դեմ սկսված ռազմական գործողությունները Ռուսաստանը համարվում էր Renault-ի համաշխարհային կայսրության առանցքային մասը։ 2021 թվականին այնտեղ վաճառվել է 482,264 ավտոմեքենա՝ այն դարձնելով Renault-ի երկրորդ ամենամեծ շուկան։ Համաձայն 2021 թվականի վաճառքի արդյունքների ընկերությունն ավելի շատ վաճառել է միայն Ֆրանսիայում։
Հիշեցնենք, որ փետրվարի 28-ին Renault-ն հայտարարեց Մոսկվայի գործարանի աշխատանքը դադարեցնելու մասին, այդ ժամանակ նշելով,որ կան լոգիստիկ խնդիրներ, իսկ մարտի 21-ին հայտնի դարձավ, որ ընկերությունը վերսկսել է արտադրությունը Մոսկվայում։ Ոչ պաշտոնական տվյալներով, գործարանի գործարկմանն աջակցել է Ֆրանսիայի կառավարությունը, որը հանդիսանում է Renault-ի հիմնական բաժնետերը։
Մեկնաբանություն