Իսրայելի հարձակումներից ի վեր Իրանում զոհվել է 430 խաղաղ բնակիչ, վիրավորվել՝ ավելի քան 3500. Իրանի ԱՆ
ԵՄ-ը հետաձգել է ռուսական նավթի գնային շեմի նվազեցումը Իսրայելի եւ Իրանի հակամարտության պատճառով
Ռուսաստանը դեմ է, որ Իրանը զանգվածային ոչնչացման զենք ունենա. Պուտին
Հայաստանի էկոնոմիկայի նախարարն ու ՊԵԿ նախագահը կմեկնեն Վրաստան
Թրամփը դեմ է ՆԱՏՕ-ի ռազմական ծախսերն ԱՄՆ-ի համար 5%-ով բարձրացնելուն՝ կոչ անելով եվրոպացիներին ստանձնել այդ բեռը
Հինգ Դաս, որ Qyachal-ի վրիպակից կարող է սովորել ամեն բրենդ. մանրամասները՝ ABNews.am կայքում
Իսրայելում ՀՀ դեսպանությունը հորդորում է ՀՀ քաղաքացիներին զգոն լինել ու հետևել պաշտոնական հաղորդումներին. +972 58 607 0313
Կայացել է ԱրարատԲանկի բաժնետերերի տարեկան ընդհանուր ժողովը. դիտեք ABNews.am կայքում
Եվրոպական ներդրումային բանկը €70 մլրդ կուղղի տեխնոլոգիական ոլորտին՝ խթանելու նորարարությունն ու արդյունաբերական զարգացումը
Եվրոպական ներդրումային բանկը €100 մլրդ սահմանաչափով 2025-ին կներդնի պաշտպանության, էներգացանցերի և էներգախնայողության մեջ
Իռլանդիան դադարեցրել է ածխով էներգիայի արտադրությունը․ շուտով նույնը կկատարեն Իսպանիան ու Իտալիան
Մեկ օրում բացահայտվել է հանցագործության 110 դեպք. գրանցվել է 10 ավտովթար, վիրավորվել է 10 մարդ
Մեծ Բրիտանիայում մանրածախ վաճառքը մայիսին նվազել է 2.7 տոկոսով
Անապահով անձանց աշխատանքի ընդունած գործատուները կստանան ամսական 73,000 դրամ աջակցություն
Իսրայելում արգելափակված հայ զբոսաշրջիկներն արդեն Հայաստանում են
Եղեգնաձորում կբացվի «Թումո» ստեղծարար տեխնոլոգիաների հերթական մինի լաբորատորիան
ՌԴ Կենտրոնական բանկը կանխատեսում է մինչև տարվա վերջ 7% գնաճ
Հայաստանում գամմա-ֆոնի դիտված արժեքները վերջին 5 օրերին չեն գերազանցել թույլատրելի սահմանները
Brent նավթի գինը նվազել է մինչև $77.2՝ հասնելով հունվարի վերջից ի վեր ամենացածր մակարդակին
Իրանում ինտերնետ օգտատերերի ակտիվությունը նվազագույնի է հասցվել․ Netblocks

iOS 16-ում հայտնաբերվել է թաքնված համակարգ, որն անջատում է iPhone-ի որոշ գործառույթներ՝ կախված գտնվելու վայրից

Ապր 27, 2023 16:23
153

iOS 16 օպերացիոն համակարգում հայտնաբերվել է թաքնված համակարգ, որն անջատում է iPhone-ի որոշ գործառույթներ կախված նրանից, թե որտեղ է գտնվում օգտատերը, տեղեկացնում է 9to5Mac-ը։

Առհասարակ iPhone-ներն ու iPad-ներն աշխատում են ամբողջ աշխարհում: Այնուամենայնիվ, կան iOS-ի որոշ գործառույթներ, որոնք հասանելի են որոշ տարածաշրջաններում, հասանելի չեն մյուսներում: Որոշ դեպքերում այս սահմանափակումները կապված են տեղական օրենքների հետ: Օրինակ՝ ԱՄԷ-ում արգելված է FaceTime հավելվածի օգտագործումը: 9to5Mac-ը բացահայտել է, որ Apple-ը iOS 16-ում փորձարկում է սահմանափակումների նոր, ավելի առաջադեմ համակարգ՝ ելնելով օգտատիրոջ գտնվելու վայրից:

Apple-ը ներկայումս օգտագործում է աշխարհի որոշ տարածաշրջաններում iOS-ի որոշ գործառույթների կոշտ սահմանափակման մեթոդներ: Սա նշանակում է, որ այս սահմանափակումների մեծ մասը կապված է տարածաշրջանի հետո, որտեղ սարքը վաճառվում է։ Այնուամենայնիվ, ընկերությունը մշակում է ավելի խելացի համակարգ՝ որոշելու այն տարածաշրջանը, որտեղ օգտագործվում է սարքը։

Նոր համակարգը, որն ստացել է countryd ներքին օգտագործման անվանումը, գաղտնի կերպով ավելացվել է iOS 16.2-ում, բայց դեռ ոչ մի տեղ չի օգտագործվել: Այն որոշում է օգտատիրոջ ավելի ճշգրիտ գտնվելու վայրը՝ հիմնվելով GPS տվյալների հավաքման, երկրի կոդի վրա, որը սարքը ստանում է Wi-Fi երթուղիչներից և SIM քարտից հավաքված ստացված տեղեկության հիման վրա: Հաշվի առնելով այս տվյալները՝ օգտատիրոջ համար ավելի դժվար է դառնում շրջանցել iOS-ի սահմանափակումները, բայց միևնույն ժամանակ, սարքի համար ավելի հեշտ է դառնում դրանք անտեսելը, եթե սարքի սեփականատերը մեկնում է մեկ այլ երկիր, որտեղ այդ սահմանափակումները չկան։ Ըստ 9to5Mac-ի՝ համակարգը նախագծված է որոշակի սահմանափակումներ մտցնելու հնարավորությամբ, որոնք կարող են որոշվել որոշ երկրների կարգավորող մարմինների կողմից։

Անցյալ տարվա դեկտեմբերին Bloomberg-ը հայտնել էր, որ ԵՄ-ի ճնշման պատճառով Apple-ը նախատեսում է առաջին անգամ թույլ տալ ներբեռնել և տեղադրել iOS հավելվածներ երրորդ կողմի աղբյուրներից՝ շրջանցելով պաշտոնական App Store-ը: Պարբերականի վերջին հրապարակումների համաձայն՝ Apple-ը նախատեսում է այս գործառույթը ներդնել iOS 17-ում: Այնուամենայնիվ, այս գործառույթը հասանելի չի լինի ամբողջ աշխարհում, այլ միայն եվրոպական երկրներում: Հավանաբար, հենց դրա համար է նախատեսված countryd նոր համակարգը, որը կկարողանա որոշել, թե արդյոք սարքն օգտագործվում է եվրոպական որևէ երկրում, այնուհետև թույլ կտա երրորդ կողմի ներբեռնումները:

Եթե ​​այլ երկրներ նույնպես ստիպեն Apple-ին թույլատրել երրորդ կողմի հավելվածների ներբեռնումն ու տեղադրումը, ապա այս համակարգի սովորական թարմացումը կավելացնի նման հնարավորություն։ Սակայն այս համակարգի ներդրմամբ հնարավոր չի լինի շրջանցել այլ շրջաններում երրորդ կողմի ներբեռնումների արգելքը։

Առայժմ պարզ չէ, թե արդյոք Apple-ը նախատեսում է iOS-ում երրորդ կողմի հավելվածների ներբեռնումների հնարավորություն ավելացնել, թե ոչ: Ընկերությունը iOS 17-ը կներկայացնի հունիսին կայանալիք WWDC միջոցառմանը:

 

Աղբյուրը՝ News.am Tech