Անցնող շաբաթվա այլ կարևոր իրադարձությունները ֆինանսական շուկաների համար ԱՄՆ Դաշնային պահուստային համակարգը նվազեցրել է վերաֆինանսավորման տոկոսադրույքը 25 բազիսային կետով՝ սահմանելով 4.50-4.75%: ԴՊՀ-ի կանխատեսմամբ վերաֆինանսավորման տոկոսադրույքը մինչև 2025թ.-ի ավարտը կհասնի 3.4%-ի։  ԱՄՆ նախագահական ընտրություններում Դոնալդ Թրամփի հաղթանակից Տեսլայի բաժնետոմսերի գինն աճել է 28%-ով, ինչի արդյունքում ընկերության շուկայական արժեքը հատել է 1 տրլն դոլարի շեմը, իսկ Իլոն Մասկի կարողությունը հասել է 300 մլրդ դոլարի։ Ամերիկյան 30 տարի ժամկետայնությամբ հիփոթեքային վարկի տոկոսադրույքը հասել է վերջին 4 ամիսների առավելագույն մակարդակին՝ 6.79%, ինչը պայմանավորված է այն մտահոգություններով, որ Թրամփի կողմից առաջարկված տնտեսական քաղաքականությունը կարող է խթանել գնաճը։ ԱՄՆ-ում գործազրկության նպաստի առաջնային դիմումների թիվը նոյեմբերի 3-ին ավարտվող շաբաթվա ընթացքում աճել է 3,000-ով և կազմել 221,000: S&P 500 ինդեքսը կարճ ժամանակով գերազանցել է 6000 միավորի շեմը՝ գրանցելով վերջին տարվա ընթացքում ամենամեծ մեկշաբաթյա աճը։ finarm.am