Թեհրանում սկսվել է Ռուսաստանի և Իրանի նախագահներ Վլադիմիր Պուտինի և Իբրահիմ Ռաիսիի հանդիպումը։ Այս մասին հայտնում է РИА Новости-ն։Նախատեսվում է, որ պետությունների ղեկավարները կքննարկեն երկկողմ համագործակցության հարցեր, ինչպես նաև միջազգային հարցեր։
Այնուհետև սպասվում է, որ Պուտինը կհանդիպի Իրանի գերագույն առաջնորդ Ալի Խամենեիի հետ, որին ՌԴ առաջնորդը վերջին անգամ տեսել է 2015 թվականին։ Բացի այդ, Ռուսաստանի Դաշնության ղեկավարը պետք է հանդիպի Թուրքիայի նախագահ Ռեջեփ Թայիփ Էրդողանի հետ։ Նախատեսված են նաև առանձին երկկողմ հանդիպումներ։
Հուլիսի 19-ին Պուտինը մեկօրյա այցով ժամանել է Իրանի մայրաքաղաք։
Իրանը դարձավ երրորդ երկիրը, որն այցելել է Պուտինը Ուկրաինայում Ռուսաստանի Դաշնության հատուկ ռազմական գործողության մեկնարկից հետո։ Հունիսին Պուտինը Թուրքմենստանում մասնակցել է Կասպից ծովի գագաթնաժողովին, իսկ ավելի ուշ Տաջիկստանում հանդիպել է Էմոմալի Ռահմոնի հետ։
