ԵՄ և ԵԱՏՄ անդամակցությունը համատեղելի չէ. վարչապետ

Ռուսաստանը տեսնում է, որ Երևանում քննարկում է ընթանում ԵՄ-ի հետ հարաբերությունների վերաբերյալ, և Մոսկվան հանգիստ է վերաբերվում դրան, հայտարարել է Ռուսաստանի նախագահ Վլադիմիր Պուտինը։

«Մենք տեսնում ենք, որ Հայաստանը քննարկում է Եվրամիության հետ հարաբերությունների զարգացումը։ Մենք լիովին հանգիստ ենք վերաբերվում դրան։ Մենք հասկանում ենք, որ ցանկացած երկիր ձգտում է առավելագույն օգուտ քաղել երրորդ երկրների հետ համագործակցությունից», - բանակցությունների ժամանակ ասել է Պուտինը։

Փաշինյանն էլ իր հերթին նշել է, որ ԵՄ և ԵԱՏՄ անդամակցությունը համատեղելի չէ։

«Մենք հասկանում ենք, որ ԵՄ և ԵԱՏՄ անդամակցությունը համատեղելի չէ։ Առայժմ ինչպիսի օրակարգ կա, բավարարում է և համատեղելի է։ Եթե կգա պահը, որ չեն համատեղվի, Հայաստանի ժողովուրդն իր որոշումը կկայացնի։ Անշուշտ, դա չպետք է լինի՝ վնասելու հայ-ռուսական հարաբերություններին»,- ընդգծել է նա։