Համաշխարհային ինդեքսներ
Ամերիկյան ինդեքնսերը երկուշաբթի օրը դրական են փակվել․ Dow Jones Industrial Average-ն աճել է 0,46%-ով հասնելով 38852,27 կետի։ S&P 500-ի արժեքն աճել է 0,99%-ով հասնելով 5180,74 կետի։ S&P 500 ինդեքսի ֆյուչերսները երեքշաբթի օրը աճում են 0,04%-ով։
Ճապոնական Nikkei 225-ը նվազում է 0,05%-ով հասնելով 38870 կետի, կորեական KOSPI-ն աճում է 2,03%-ով հասնելով մինչև 2730,86 կետի, չինական Shanghai Composite ավելացել է 0,21%-ով հասնելով 3147,36 կետի։
Մակրոէկոնոմիկա
1․ Չինաստանում ծառայությունների մատուցման ոլորտում ակտիվության ինդեքսը՝ հաշվարկված Caixin/S&P Global-ի կողմից, ապրիլին կազմել է 52,5՝ մարտի 52,7-ի դիմաց։
2․ S&P Global Ratings կազմակերպությունը բարձրացրել է Թուրքիայի երկարաժամկետ արտարժույթի և տեղական արտարժույթի վարկանիշները՝ “B”-ից “B+”: Վարկանիշի կանխատեսումները «դրական են»։
3․ Ավստրալիայի պահուստային բանկը որոշում է կայացրել թողնել տոկոսադրույքը տարեկան 4,35% մակարդակում։
Հանքարդյունաբերական շուկաներ
Ոսկու գինը նվազում է` մեկ ունիցայի դիմաց վաճառվում $2319-ից ցածր։ Նավթային գնանշումները երկուշաբթի շարունակում են աճել։ Այժմ Brent ապրանքնիշի նավթի գինը մեկ բարելի դիմաց գտնվում է $83,4-ից բարձր, WTI-ի գինը մեկ բարելի դիմաց $78,5 է։
Կորպորատիվ իրադարձություններ/ միջոցառումներ
1․ Berkshire Hathaway-ի զուտ շահույթը 2024 թվականի առաջին եռամսյակում կազմել է $12,7 մլրդ` 2023 թվականի նույն ժամանակահատվածի $35,5 մլրդի համեմատ: Berkshire-ի ներդրումային եկամուտը կազմել է $1,48 մլրդ՝ նախորդ տարվա $27,44-ի համեմատ։ Գործառնական եկամուտը, որը համարվում է ավելի ներկայացուցչական և որը հաշվի չի առնում ներդրումից չկայացած օգուտները/կորուստները, տարեկան կտրվածքով ավելացել է 39%-ով հասնելով ռեկորդային $11,22 մլրդ-ի։ Եկամուտն ավելացել է մինչև $89,87 մլրդ (+5,2% Տ/Տ)։
2․ Լրատվամիջոցների տվյալներով, էներգետիկ հսկա Shell-ը բանակցություններ է տանում Սաուդյան Արաբիայի ազգային նավթային ընկերության՝ Saudi Aramco-ի հետ, Մալազիայում գազալցակայանների վաճառքի համար։ Գործարքի գումարը կարող է հասնել $1մլդ-ի։
Cube Invest
